محموعه اشعار و نوحه‌های ترکی حاج صادق تائب تبریزی
احوالات حضرت زینب کبری (سلام الله)
ایدنده زینب مظلومـه ترک دنیـانی
یـانیندا اولمادی جان استه یـارو اعوانی
کسیدیلر یـانینی حال احتضارینده
آلیدیلر اورگیندن غم فراوانی
گوریدیلر نجه قارداش محبتی دلده
جهانی ترک ایدوراول رافت و وفا کانی
باسوبدی پاره پاره بیرکوینک
او کوینگی کـه آلوراوندان عطرجانانی
دولی گوزیله باخورحسرتیله صاق و صولا
عیـان اولورکه اونون واردی دردپنـهانی
مداد اشک ملالیله خامـه مژگان
یـازاردی صفحه رخسارینـه بو عنوانی
حسین حسرتیله جان ویرور بلالی باجون
وطندن ایلدن اوزاق دلده آه و سوزانی
ایدوبدی لوح دله حک نقش تصویرین
باخور اورک گوزی گوزدت توکورجگرقانی
عیـاندی قارداشی گوزلرباجی الن ساعت
خصوص او باجی کـه قارداش اولا اونون جانی
حین اوزون بلوسن گوزلریم قالوب یولدا
گل ای گلن یولوون بو بلالی قربانی
او زینبم چوله دوشدوم یـارالی سندن اوتور
هامـی مصیبته وقف ایلدیم قوری جانی
سنین یولوندا منـه چوخ وورولدی دل یـاراسی
ایله یـارا کـه نـه وار مرحمـی نـه درمانی
سنین یولوندا منـه خارجی دیدی اشرار
سنین یولوندا من اولدوم حسین خرابه نشین
بهشت فرض ایلدیم کنچ بیت الاحزانی
همـین خراتبه ده بیر گوهرایلدیم مدفون
آدی رقیـه گلستان دین نواخوانی
نجه رقیـه سارالموشدی بیرساری گل تک
خزانـه گیتدی اونون عمرینین گلستانی
سنون یولوندا آغاردی باشیم قرالدی قولوم
سنین یولوندا قد سرویم اولدی چوگانی
سنون یولوندا حسین درده مبتلا اولدوم
اودرد سالدی ایـاقدان بو خانـه ویرانی
سنین یولوندا ایله داغلانوب منیم اورگیم
که لاله اوندان آلوبدوراو رنگ حمرانی
یـارالی منده سنین تک یـارالی جان ویرورم
بو عمرعاریـه مـین ختم اولوبدی دورانی
بو صون نفسده گینـه سالمارام آدین دلدن
بو یرده صورته سالام تمام معنانی
بو کوینگین باسوب آغو شـه عطریوی آلام
جهانـه نشر ایدرم بیر محبت اعلانی
حسین بیرجه نولی ایلسن قدم رنجه
ویرنده جان سالاسان یـادیوه بو نالانی
یـانیمدا یوخدی آنام اوغلی آل هاشیمدن
سالالا یـاده بو آق زلفی تک پریشانی
جنازه مـی ایده لرحمل قبرایـاقینـه
بو یرده دفن ایده لر یـادگارزهرانی
یـادیندا وار کـه ویرنده یـارالی جان یـارالی
ایدنده قانویله لاله زارمـیدانی
گلوب اودم باجی قارداش محبتی جوشـه
الیمدن آلدی منیم طاقت و توانانی
دودیم باشین استنده حاضراولدوم من
دلیمده ناله وای قارداشم وای عنوانی
گل ایمدی سنده منیم باشیم استه جان ویرورم
بو گلماقیندا یقین واررضای ربانی
اله گتور بو بلالی باجون سینق قلبین
شکسته دلده دور الله یوخدی کتمانی
باجین سور بلوسن چوخ صدای قرآنون
تلاوت ایله اوزون باشیم استه قرانی
حسین محبتی دلده آلوبدی
او چوخلی اوخ وورولان کوینگی چیخوب جانی
یوموب او گوزلری کـه قتلگاهی گورموشدی
سرشکیله سولاموشدی او قانلی مـیدانی
یوموب او گوزلری کـه گوردی الدوروله سوسوز
کنارنـهریده اشرار شاه عطشانی
او الدی چولقادی آفاقی ظلمت حسرت
گلینجه منتقم اولماز دوباره نورانی
بلنمورم کـه ویروب غسل کیم ایدوبدی کفن
ترابه کیم تاپوشوردی او سترکبرانی
ولیک واردی یری غسلینی ویرن یـانسون
گورن زماندا همان نیل فام اعضانی
شماریـه گتوره تازیـانـه یرلرینی
ایده مجسم اونون چکدوقی بلایـانی
گلوب دله باشی استه یـانقلی دللریله
بیر اوخشیـا آنالارتک او مـهد علیـانی
اولوبدی منزل (طوریده)بو سوزه بانی
بیراکبرآدلی شـه تشنـهنواخوانی
دوزوبدی رشته نظمـه بو گوهری (تایب)
او گوهراسته ایدوب دراشکین ارزانی
خدا نصیب ایله بیرقبر زینب استه گیده
همـی بو جمع همـی سوز یـازان همـی بانی
شاعر : دانلود نوحه سنسیز الورم یالان یالان سید مرحوم تایب تبریزی
*************
زبانحال حضرت موسی ابن جعفر (علیـه السلام)
ای خدا عشقونده زندان باغ جنّتدور منـه
گوشـه ی زنداندا جان ویرماق سعادتدور منـه
تاپموشام بو یرده اوز آختاردیقیم دلخواهیمـی
ایتموشم دلخواهیمـه بسته دل آگاهیمـی
قیلموشام روشن بو ظلمت ایوده شمع آهیمـی
شمع آهیم، دانلود نوحه سنسیز الورم یالان یالان سید ظلمت ایو، شان و شرافتدور منـه
صفحه ی عشقه لوای فتحی یـارب وورموشام
باده ی عشقیله بو دل جامـینی دولدورموشام
ایتموشم ترک علایق، بزم خلوت قورموشام
گوشـه ی زندان عجب بیر بزم خلوتدور منـه
شمع عشقه یـانماقا پرواسیزام پروانـه دن
وصل جانان آختاران عاشق ایدر پروا ندن
بزم راز عشقی خالی ایتموشم بیگانـه دن
آشنا بو یرده بو عشقی محبّتدور منـه
ای خدا حسرت چکردیم بیله خلوت منزله
تا او خلوتده یته نقصان عهدیم کامله
سالموشام آختاردیقیم خلوت یری ایمدی اله
عم آختاردیقیم ساعت بو ساعتدور منـه
کنج زنداندا اولوب بیر بو گیجیله گوندووزم
نوش جاندور ساغر صهبای غم، یوخدور سوزوم
ورد و ذکریم یـا هُوَ المَحبوبدور، یرده یوزوم
گوشـه ی زندان دگول، دارالعبادتدور منـه
خوش دوشر معنای عشقی صورته بوردا سالام
سویدوقونجا ایلیوب یـارب عبادت کام آلام
دشمنیم قویمور ولی اوز حالیمـیله من قالام
فکری هر ساعتده اظهار خصومتدور منـه
اولموشام چون طائر بی پر گرفتار قفس
یوخدی بیر کیمسه منـه فریـادرس ای دادرس
بو سیزیلتیم دمبدم اولموش منیله هم نفس
هم نشین دائم بو یرده رنج و زحمتدور منـه
گوشـه ی زندان نـه مدّتدور مکانیمدور منیم
هر نفسده هر نفس سوز نـهانیمدور منیم
کُنده و زنجیر ایـاقدا هم زبانیمدور منیم
همدمـیم محنتدی، مونس درد حسرتدور منـه
واردی سینمدی منیم بی حدّ نسگل یـاره سی
بیر یـانا بو نسگلیم بو اودلانان دل یـاره سی
طعن ایدور سند ابن شاهک چوخ وورور دل یـاره سی
هر مصیبتدن چتین طعن و شماتتدور منـه
قورتاران ای یوسف صدّیقی قعر چاهیدن
حَرِّ ناری دور ایدن جدّیم خلیل اللهیدن
قیل منی آزاد شرّ دشمن گمراهیدن
بو حیـاتیمدن گوارا حال رحلتدور منـه
خوشدی یـارب جان ویروب من قرب جانانـه چاتام
ماسِواللهی مقام قربیده گوزدن آتام
چوخ یوروب ظلمـیله دشمن قبریده راحت یـاتام
بیله قالماقدان اُلوم واقعده راحتدور منـه
ائی آرالی گوشـه ی غربتده جان ویرّم خدا
نـه قیزیم معصومـه واردی دردیمـی دلدن آلا
گوزلریم یولدا قالوبدور گلدی نـه اوغلوم رضا
قول بویون اولماق اونیله عمده نیّتدور منـه
((تائبم)) خدمتگذار خاندان عترتم
صدقیله سیز خاندانـه کمترین بو نوکرم
بیر برات بیت حق آل حقدن ای کان کرم
ایده آلیم دلده بیر وقفه زیـارتدور منـه
شاعر : مرحوم حاج صادق تائب تبریزی
*********************
زبانحال حضرت امام حسن مجتبی (علیـه السلام)
به حضرت ابوالفضل العباس (علیـه السلام)
در شـهادت امـیرالمومنین حضرت علی (علیـه السلام)
مرتضی هجرینده صبر ایت با شـهامت قارداشیم
ای حسینین سر سباهی شیر صولت قارداشیم
گرچه با جادور گلوب داده دوتاق دائم عزا
اخرین ساعت ولی ایلوب وصیت مرتضا
صبر ایداق اوندان صورا بیز ایتمـیاق داد و نوا
ایلیـاق لازیمدی بو امره اطاعت قارداشیم
ای اتام حیدر باخشلی بیله بوزما حالیوی
توکمـه گوزدن گل یوزه چون زاله اشک الیوی
خاطریم درده گلور گوردوقجا بو احوالیوی
ارتوری بو داغلانان سینمده حسرت قارداشیم
ایلیوب خورشید دین برج شـهادتده مقام
دودمان مصطفایـه چوکدی بیر ابر ظلام
استراحت ال طاهایـه داخی اولدی حرام
تبمروق بیرده بلایـادن فراغت قارداشیم
گورسنور بو ماجرادن زار و مغموم اولماقیم
حقیم الدن گیتماقی ظلمـیله مظلوم اولماقیم
طعن دشمن گورماقیم مظلوم و مسموم اولماقیم
اقتضا ایلوب بو اوضاعی مشیت قارداشیم
اخر عمرینده سیلردی مرتضی یـاشیوی
بیر وصیتله اوجالداردی وفالی باشیوی
بیر بیریزه تابشوروب سنله حسین قارداشیوی
بیر بیریزدن ایتمـیون بیر لحظه غفلت قارداشیم
ویر رضا قارداش قضایـا امرینین اجرا
غیظه گلمـه غوطه ور اولما غضب دریـا
قوت بازووی سخلا کربلا صحرا
ویر او صحراده نشان سهم و صلابت قارداشیم
سو یولین باغلار او یرده ظلمـیله اهل ستیز
اودلانار سوز عطشدن عترت شاه حجیز
چکنیوه سال بیر سو مشکی ال اله شمشیر تیز
تشنـهاطفاله قیل فکر سقایت قارداشیم
گر فرات السان او گون رسم وفادن گیچمـه سن
یـان سوسوزدان نفسیوی نفس حسیندن سیچمـه سن
نـه چیخ تشنـه الدور نفسیوی سو ایچمـه سن
قیل مواسات ایله بیرب شرافت قاردلشیم
مرکب استونده او گون محکم ایله زانووی سن
هر طرفدن گلسه اوخ خم ایلمـه ابرووی سن
ویر نشان اشرار کینـه قوت بازووی سن
چنگ ایله ای شیر اجام شجاعت قارداشیم
ای اتام حیدر نشانی بوزما اوز افکاریوی
چک اتام حیدر کیمـی شمشیر اتشباریوی
وور داغوت اعدانی گوستر دشمنـه کرداریوی
ایله اهل کینـه دن سلب جسارت قارداشیم
حمله ایلر هر طرفدن استیوه فوم شقی
الده که تا وار قدرتون قویما یخلسین بیدقی
چون همـین بیدقدی قارداشیم حسینین رونقی
یـاتسا بیرق یوز ویرر اطفاله وحشت قارداشیم
(تائبه)دائم اولوبدور خامـه غم همزبان
صرف ایدر عمرین یـازارنوحه بیزه هر دم هر ان
ایستروق حقدن اونا لطف ایلسون طبع روان
الذبیغمبر غمـین ایتسون کتابت قارداشیم
شاعر : مرحوم حاج صادق تایب
******************
زبانحال حضرت زینب کبری (سلام الله) بـه برادرشان
گل قارداش حسین گور نجه دلخسته دی زینب
جانان یولونی گوزلوری جان استه دی زینب
ایلدن آرالی جان ویروری قلبی شکسته
گل صون نفسیمده باشیمـی آل دیزین استه
غربتده وطنسیز الورم آغلیـانیم یوخ
حسرتله یـانوب سینی داغلیـانیم یوخ
جان استه منیم گوزلریمـی باغلیـانیم یوخ
گل آغلا موشام من سنـه سنده منـه آغلا
قارداش اوزون آغلا گوزیمـی لطف ایله باغلا
من بیر گلیدیم باد جفائیله سارالدیم
لاله کیمـی بو داغلی دله داغ دل ألدیم
بانوی حجازیدیم عجب گونلره قالدیم
دوشدوم اوزاقا طایفه دن خویش و ایلیمدن
بیر کیمسنـه یوخ حالی اولا درد دلیمدن
یـاندی اورگیم بسته تار محن اولدوم
بیر پایـه ده مظلومـه دور زمن اولدوم
ایتدیم وطنی ترک جلای وطن اولدوم
سالدی منی جبریله عدو داغ داشا قارداش
چوللرده من اوز عمریمـی ویردیم باشا قارداش
بو رسمـیدی غم یولداشی یولداشینی گوزلر
رخساره توکر گوزلری یـاشینی گوزلر
جان استه عیـاندور باجی قارداشینی گوزلر
درک ایله باجین زینب مظلومـه ویرور جان
گل زینبین اولسون او گلن یولارا قربان
مشکل او گوزل مصرعیوی گوزدن اتیدیم
یـا مدفنیوی روضه رضوانـه سا تیدیم
فکریم بویودی منده جوارینده یـاتیدیم
دنیـا بویوجا مدفن پاکینده قالیدیم
تا عالم محشر او گوزل عطرین آلیدیم
قارداش باجی گل بلبلدوق بیر جه بوداقه
بیر عشق و محبت بیزی آلموشدی قوجاقه
آیریلماقا قویمازدی همـین عشق و علاقه
افسوس سنی امر قضا مندن آیردی
آیریلمازیدیم جبر منی سندن آیردی
غملر ایلیوب گر چه منیم روحیمـی خسته
اما دل اولوب مـهر و وفا تارینـه بسته
پیراهن صد چاکین آلوب سینمـین استه
گزلینده اولان عشقی حسین فاش ایدرم من
جان نقدینی بو کوینگه شاباش ایدرم من
اوز عشقیمـی عشاقه نشان ویرم حسینیم
رمزیله اونا شرح و بیـان ویرم حسینیم
یراهنین آغوشیده جان ویرم حسینیم
بو عشق و علاقم اولا عالملره اعلان
بلسونله هامـیقارداشا اولدی باجی قربان
شاعر : مرحوم تائب تبریزی
*********************
قسمتی از اشعار حضرت علی اصغر (علیـه السلام)
اوخ دگنده دست حقین مرغ دست آموزینـه
بیر قانادلاندی عدونین ناوک دلدوزیته
قرص مـه تک قان سپیلدی چهر چرخ افروزینـه
آخدی دینین نجم رخشانی حبینی یـا حسین
اوندا کـه مـیداندا محو عشقیدی بو شیر خوار
انبیـا ایلردی حیرتله او احواله نظار
نقد جانین گوردولر جانانینـه ایتدی نثار
قالدیلار بو عشق حیرانی حبیبی یـا حسین
مکتب گهوارهده قورتاردی تحصیلاتینی
ألدی اوز تصدیقینی گوستردی معلوماتینی
وزدی معلوماتی آل هند تشکیلاتینی
وار بونون تحسین شایـانی حبیبی یـا حسین
ای وجود نازنینی یرده رحمت سایـه سی
صبر ایله ای انبیـادن سخت صبرون پایـه سی
وار بهشت عدنیده بو شیر خوارین دابه سی
حور دور گهواره جنبانی حبیبی یـا حسین
ایلینمور اوخلانان حلقین نشان ویرسین بالان
صورت حالین سنـه شرح و بیـان ویرسین بالان
قوی قوجاقیندن یره آسوده جان ویرسین بالان
کشف قیلسین حال معنانی حبیبی یـا حسین
شاعر : مرحوم تائب تبریزی
**********************
در مدح حضرت فاطمـه زهرا (سلام الله)
گوهر بحر وفا فاطمـه دی
جوهر صدق و صفا فاطمـه دی
معنی لفظ وفا فاطمـه دی
لنگر ارض و سما فاطمـه دی
فاطمـه فاطمـه دی فاطمـه فاطمـه دی
نوریدور نور خداوند ودود
آدی محبوبه ی ذات معبود
خلق اولوب خاطرینـه هر موجود
حضرت خیر نسا فاطمـه دی
حکمراندور جبروت عالمـینـه
قهرماندور ملکوت عالمـینـه
شرح عنواندی نعوت عالمـینـه
او کـه وصف ایتدی خدا فاطمـه دی
شیره ی جان رسول الثّقلین
کفو و مانند امام الن
مادر پاک حسن مام حسین
بحر موّاج ولا فاطمـه دی
حائز وحی نبوّت نسبی
شرح معنای فتوّت حسبی
گوهر افشان اولونان لعل لبی
جوهر صدق و صفا فاطمـه دی
او کـه بیر خطبه ی آتش ریزی
او کـه گفتار صفا انگیزی
ایلین صحبت نـهضت خیزی
باطل و حقّی جدا فاطمـه دی
او کـه عصمتدی اوتا ستر حجاب
او کـه عفّتدی اونا یوزده نقاب
او کـه اولموش اونا اوز شرمـی کتاب
معنی شرم و حیـا فاطمـه دی
او کـه پیغمبره دور نور دو عین
مرتضی مسلک و امّ الحسنین
گتورن عالم اسلامـه حسین
فاتح کرب و بلا فاطمـه دی
او کـه مرضیّه اونون منصبیدی
او کـه مشـهور نماز شبیدی
او کـه احیـاگر دین زینبیدی
ایلین حشر بـه پا فاطمـه دی
«تائب» آل صدق و صفا زهرادن
مرضه ایسته شِفا زهرادن
آل هامـی درد و دوا زهرادن
ایلین درده دوا فاطمـه دی
شاعر : مرحوم تائب تبریزی
************************
در مدح حضرت فاطمـه زهرا (سلام الله)
گوهر بحر وفا فاطمـه است
جوهر صدق و صفا فاطمـه است
معنی لفظ شِفا فاطمـه است
لنگر ارض و سما فاطمـه است
فاطمـه فاطمـه هست فاطمـه فاطمـه است
مطلع نور خداوند ودود
مبدا فیض ز سوی معبود
علّت غائی کلّ موجود
حضرت خیر نسا فاطمـه است
فاطمـه فاطمـه هست فاطمـه فاطمـه است
حکمران جبروت هست بتول
قهرمان ملکوت هست بتول
شرح عنوان نعوت هست بتول
وصف کرد آنکه خدا فاطمـه است
شیره ی جان و دل فخر بشر
کفو مولا و علی را همسر
مادر پاک شبیر هست و شبر
بحر موّاج ولا فاطمـه است
حائز وحی نبوّت نسبش
معنی جود و فتوّت حسبش
آنکه مـی ریخت گهر لعل لبش
جوهر صدق و صفا فاطمـه است
آنکه با خطبه ی آتش ریزش
آنکه با قول صفا انگیزش
کرد با صحبت نـهضت خیزش
باطل از حق جدا فاطمـه است
عصمتش آنکه حجابش باشد
عفّتش آنکه نقابش باشد
شرم و آزرم کتابش باشد
معنی شرم و حیـا فاطمـه است
بر رسول آنکه بود قرّة العین
مرتضی مسلک و امّ الحسنین
داد بر جامعه تحویل حسین
فاتح کرب و بلا فاطمـه است
آنکه مرضیّه بود منصب او
دارد آوازه نماز شب او
گشته احیـاگر دین زینب او
محشری کرده بـه پا فاطمـه است
شده بانی سخن شـهبازی
تائبش کرده سخن پردازی
با هماهنگی و هم آواز
در زبان ذکر ولا فاطمـه است
شاعر : مرحوم تائب
************************
جلالت حضرت زینب کبری (سلام الله)
قسمتی از اشعار مرحوم تائب تبریزی
بو بیر عقیله دی شمس هدایتین باجیسی
سپر عصمتین عالمده ماه تابانی
طلوع ایلدی یثربده باتدی غربتده
جهان غصمتی ایتدی غروبی ظلمانی
بو بیر خاندی کـه قارداشدان اوتری دوشدی چوله
دلینده قارداش آدی گزدی کوه و صحرانی
مقام عشقیده دیوانـه ی حسین اولدی
گزوب او عشقیله دیوانـه وار هر یـانی
جفا الیله ایدوبله اونی جلای وطن
غریبه الدی مکان ایتدی تحت غبرانی
بو بیر خانیمدی یزیدین پوزوبدی سلطنتین
ایدوبدی مفتضح عالمده آل سفیـانی
بو بیر خانمدی کـه یـاشی آتشین نطقی
دیریتدی حشره کیمـی حکم دین و قرآنی
بو بیر خانمدی بولود تک دولان زماندا گوزی
ایدوبدی یـاشی شر منده موج دریـانی
بو بیر خانمدی کـه حسرتله خویش و ایلدن اوزاق
ایدوبدی ترک بو دنیـای محنت افزانی
بو بیر خانمدی بوکوب بار غم قد سروین
اوجاتدی پرچم اسلامـی شرع قرانی
بو بیر خانمدی کـه قارداش جنازه سی استه
ایله سیزیلدادی آغلاتدی قوم اعدانی
دیدی آتام اولا قربان یـارالی قارداشیما
که ایکی نـهر آراسیندا سو تک آخوب قانی
آتام فدا اولا بیر زخمدار جان ویرنـه
که لاله زار ایلیوب قانی بو بیـابانی
آتام فدا اولا بیر شاهه گون ایوینده دوشوب
قالوبدی قانلی قوم استنده جسم عریـانی
آتام فدا او حجازی شـهه حصاره دوشوب
اولوب بو دشتیده اهل عراق مـهمانی
آتام فدا اولا بیر تاجدار مذبوحه
که پیکرینده اونون یوخ یـاراسینین سانی
آتام فدا اولا بیر پاره پاره گل بدنـه
دوتوب بلا چولونی عطر روح و ریحانی
آتام فدا اولا بیر زخمداره قتلگهی
نشان ویرور گورنـه گلستان رضوانی
آتام فدا او غریبه کـه غصه لی الذی
گتوردی نالیـه جنتده روح زهرانی
آتام فدا اونا کـه چاک چاک اعضاسی
نشان ویرور گلبرگ برگ خندانی
آتام فدا او شـهیده خوردا بارماقیندا ویروب
ویرنده اهرمنـه خاتم سلیمانی
آتام او یوسفه قربان کـه یوخدی پیرهنی
دوباره قسمتی اولماز مدینـه کنعانی
اولوبدی منزل (طوریده) بو سوزه بانی
بیر اکبر آدلی شـه تشنـهنوا خوانی
دوشوبدی رشته نظمـه بو گوهری (تایب)
او گوهر استه ایدوب درون اشکین ارزانی
خدا نصیب ایده بیر قبر زینب استه گیده
همـی بو جمع همـی سوز یـازان همـی بانی
شاعر : مرحوم تائب تبریزی
******************
احوالات حضرت فاطمـه زهرا (سلام الله)
یـان ای گوگول کـه دلده کی حسرت شراریدور
آغلا گوزوم کـه آغلاماقین نو بهاریدور
زهرا وفات ایدوبدی علی ساخلیوب عزا
آغلار گوزیله فاطمـه نین سوگواریدور
ایلوب وفالی همدمـینی اوز الیله دفن
همدم اونیله آه دل پر شراریدور
یـاشینی گوزوندن ایله یـاغدیرور یوزه
باران ابرگوزیـاشینین شرمساریدور
آغلارگوزیله قبربتوله خطاب ایدر
سنده یـاتان رسول خدا یـادگاریدور
ایله خانومدی مثلی بو دنیـایـه گلمـیوب
گلمزنقدر دوره ده دوران مداریدور
داغلار بویی اورکده غم و غصه جانویروب
همراه اوزیله درددل بی شماریدور
آزعمرایدوب آزعمرده چوخ انجیدوبدیلر
یورقون گلوبدی خسته و جود نزاریدور
قلبینده آرزولری قالموش جوان اُلوب
همدم اونیله نسگل اندوه باریدور
سنمـیش قاپیم یـاناندا اونون سروقامتی
بیرقانلی آستانـه اونون جویباریدور
بیر شاخ لاله دورکه سنوب تازه غنچه سی
بیرقانلی قتلگاه اونون لاله زاریدور
بطحا غزالیدور بونی مجروح ایدوبدولر
صیّاد مرگین ایمدی یـارالی شکاریدور
جان جهاندی جانکیمـی باس باغریوا ولی
اینجیتمـه جسمـی دست جفا زخمداریدور
پهلو شکسته ال یـارا مجروح سی
گیزلتدّیقی مصیبتنون آشکاریدور
زهرادی واردی زهره جمالینده ال یری
لطمـه گوروبدی نیلی سیمـین عذاریدور
یـانمازنجه دلیم نیـه سنماز منیم بلیم
ارخام گیدوب بوکن بلیمـی غصّه باریدور
شـهبازیدیم بتول گیدوب سندی شـهپریم
پرَسیز قوش آشیـانـه سی دارالقریدور
بیرداغ چکدی سینمـه زهراگیدن زمان
حشره کیمـی او داغین اورک داغداریدور
غم غصّه روحومـی داخی محبوس ایدوب منیم
جاندان اوساندیران منی غملر فشاریدور
نـه خیروار جهانیده مرضیّه دن صورا
مرضیّه سیز جهان منـه مِحنت حصاریدور
ایکاش اجل تاپا منی منده خلاص اولام
بوگوزلریم او پیک اجل انتظاریدور
بیجا دگول کـه من ایدورم اُلماق آرزو
بوآرزو آدامسیزین انجام کاریدور
قورخوم بودورکه چوخ یـاشیم غصه چوخ گورم
بو زندگی بوبیـه روح انزجاریدور
مشـهوردورآچار دوتولان قلبی آغلاماق
امّا منیم دلیم گره دردی کاریدور
هرقدرآغلورام گنـه قلبیم آچولموری
قلبیم اگرچه درد وبلا بردباریدور
مرضیّه سیزبوگویلوم آچولسون منیم نجه
دلدن سیلینمـین غم و مِحنت غباریدور
نسگللری دوشر یـادیما یـانّام آغلارام
آغلارگوزوم اُلونجه اونون اشگباریدور
تا زنده ام بتول فراقینده آغلارام
اُلسمد آه و ناله بو روحیم شعاریدور
مشکل بیراولسا حلّ اولی بوگیردارده
مظلوم اولان علی ایکی مشکل دچاریدور
قبربتولی ترک ایده قویمور علاقه سی
چون کـه بتول روحدن آرتوخ نگاریدور
قالسون نجه اوشاقلاری باشسیز قالوبدیلار
چوخ ناگران بو بارده قلب فکایدور
روحی بو یرده فکری اوشاقلار یـانوندای
شوره گلن او اودلی دل شورباریدور
بوردا علی سیزیلدیری یـا فاطمـه دیور
ایوده گویـه چیخان بالالارآه وزاریدور
آغلارگوزیله دوردی گیدوب منزله گوره
زینب نجه یتیم لرین غمگساریدور
یـاشینی سیلوب بالالارگورمـه سین اونون
گوهراولاندا نثاردیدۀ گوهر نثاریدور
وارد اولاندا گوردی حسین وای آنا دیر
درّ یتیمـیله دولی چشم خماریدور
آغلارحسن ویرار قزی کلثوم سینیـه
ایوگلشن عزادی اوشاقلار هزاریدور
بلبل لریله اولدی هم آواز باغبان
آغلادیلار دیردیلر شیون بهاریدور
مولا باخوب بالالارا دولدوردی گوزلرین
یعنی علیده فاطمـه نین سوگواریدور
فرمایش ایتدی زینبیم اوخشا من آغلیوم
دورمورگوزومده گوزیـاشی غم چشمـه ساریدور
قزلارآنایـه چوخ گوزل اوخشارگوزل قیزیم
اوخشا او اوخشاماق آناسیزلار شعاریدور
زینب یـانقلی اوخشادی شیرحق آغلادی
ماتم نشینون آری بو رسم و قرایدور
تا آغلادی علی بالالار دگدی بیربیره
گویـا کـه آل فاطمـه روز شماریدور
زینبده آغلاماقی آناسوندان اورگشوب
زهرا بلالی زینبین آموزگاریدور
((تائب)) ولایت اهلیدی آل رسالتین
هم نوحه خوانی دور و هم نوحه نگاریدور
بسدور بوافتخار ایکی دنیـاده تائبه
مولا بویورسا فاطمـه خدمتگزاریدور
شاعر : مرحوم حاج صادق تائب تبریزی
************************
زبانحال حضرت معصومـه (سلام الله)
قم دیـارینده باجون معصومـه قارداش جان ویرور
ورد ایدوب قارداش آدون مـهر و وفا اعلان ویرور
شوق وصلون باشدا قارداش ایلیوب ترک وطن
سندن اوتری چوللره دوشدوم من ای شاه زمن
سنسیز اولدوم حیف اولا غربتده پابند محن
عآماله نتیجه گردش دوران ویرور
سالدی تقدیر قضا دامـه بو زار و مضطری
ایتدی بازار محبّتده بلا سوداگری
ایل قبیلمدن اوزاق غربتده اولدوم بستری
جام دل شربت یرینـه کاسه کاسه قان ویرور
عالم مـهر و وفاده تیر غم آماجیم
پایبند عشقیوم، لطف و عطا محتاجیم
سن بُلورسن من نجه قارداش وفالی باجیم
من کیمـی کیمدور وفا اوسته اوزین قربان ویرور
شوق وصلون هجر ایوینده قویمـیوب دلده دوزوم
آیریلان گوندن وصالون آختارور دائم گوزوم
نـه علاقم وار سنـه بیر سن بُلورسن بیر اوزوم
بو علاقه بو وفایـه گوزیـاشیم مـیزان ویرور
هیچ باجی دوزمز اگر سالسا گوزوندن قارداشی
خاصّه من تک باجی، قطع اولموب گوزومدن گوزیـاشی
گَل آدون ویر ایتمـیشم بلبل صفت هر سوز باشی
ایسترم قارداش سنی مـهریم نـه قدر امکان ویرور
چوللره دوشدوم وصاله دوندرم هجرانیوی
ایلیم قارداش زیـارت عارض رخشانیوی
درک ایدم جان اوسته بیرده نغمـه ی قرآنیوی
جان سپاره تازه بیر جان، نغمـه ی جانان ویرور
هارداسان معصومـه نین جانی اولا قربان سنـه
اولما راضی اشکیم آخسون گوزلریمدن دامنـه
گَل دلون قربانی جان اوسته اوخی قرآن منـه
روحیمـه لذّت اُلن دم نغمـه ی قرآن ویرور
آخِرِ عمریمدی قارداش وار دلیمده چوخ سوزوم
نـه یته بُلدوم وصاله، وار نـه هجرانـه دوزوم
جان ویرن ساعتده یولّاردا قالوب آغلار گوزوم
گوزلریم دولموش بولود تک بارش باران ویرور
نقش اولوب عجمالون دلده کی آئینـه مـه
دوزموشم مـهر و محبّت گوهرین گنجینـه مـه
آلموشام آخِر نفسده نامـه وی اوز مـه
نامـه وین عطری منـه جان اوسته تازه جان ویرور
فکر ایدنده حال و قال حضرت معصومـه نی
ایلوری گوزده مجسّم زینب مظلومـه نی
ده قارداشینون قانـه باتان پیراهنی
وای حسینیم وای دیور، قلبینده حسرت جان ویرور
اولدی بانی ((تائبا)) بیر اکبر آدلی نوحه خوان
سنده یـازدون ایلدون بیر خدمت عالی بیـان
سیز ویرون اوز خدمتوزده همّت عالی نشان
اجروزی حتماً جزاده خالق رحمان ویرور
شاعر : مرحوم تائب
************************
در شـهادت حضرت امام حسن عسکری (علیـه السلام)
امام عسگری رحلت ایدوبدور شیعیـان آغلار
دیر ایوای بابام ایوی امام انس و جان آغلار
فلک آغلار ملک آغلار زمـین آغلار زمان آغلار
یـانار آغلار دیر الدن امام ممتحن گیتدی
اولان خلقی حسن خلقی حسن آدی حسن گیتدی
حقوقیندن جفائیله اولوب محروم ئولن گیتدی
دوشنده یـاده بو محنت زمـین آغلار زمان آغلار
دیر ای ظلم الیله چوخ اولان مظلوم ئولن ایوای
اولان اجدادی تک درد آشنا مغموم ئولن ایوای
گورن آز عمریله چوخ جوخ جفا مسموم ئولن ایوای
ایدر بو سوزلری تکرار امام انس و جان آغلار
گورن سانسیز جفا و ظلم لر هر دور دوراندا
وئرن عمر شریفین باشـه گاهی کنج زنداندا
چکن دائم شکنجه قید ظلم قوم عدواندا
بو مطلب ذکر اولاندا هم زمـین و هم زمان آغلار
گه امر معتمد له حجت حق دستگیر اولدی
گهی زنداندا زندانبان بی رحمـه اسیر اولدی
مکانی گه مکان بیر نچه درنده شیر اولدی
گوروبلر شیر اونا پابوس اولوب اشگی روان آغلار
صفاسی نچه شیرین ایله دوتدی فرد بر فردین
سیلردی حجت اللهین لباسینده اولان گردین
دیردی ئوز دیلیله هر بیری دلده اولان دردین
بلی درد اهلی مولایـه آیدر دردین بیـان آغلار
بلی درنده لر گورجاق تانولار حجت اللهی
ولیکن معتمد درنده لر تک تاپموب آگاهی
اونی ائتمـیشدی ایله کور باطن سلطنت جاهی
که قویدی اهل بیت دینی اول شوم جهان آغلار
بله اعجازی گوردی معتمد لیک اولمادی بیدار
امامـین قتلینـه بل باغلادی اول مرتد خونخوار
امامـی ایلدی مسموم پنـهانی او بد کردار
ایدنده یـاد بو ظلمـی امام عصر قان آغلار
یـانار آغلار آتاسین یـاد ایدر سرگشته بیداده
گهی جدی ح دمبدم آغلار گلر داده
دیر ایکاش اولیدیم منده سنله قانلو صحراده
دیر یـا کربلا هر دم ایدر محشر عیـان آغلار
هزار افسوس جدا اولمادیم اول قانلی صحراده
سنی یـالقیزلینده کوفیـان صحن غم افزاده
دینده یـالقیزام الله گلیدیم اوندا امداده
همان احوالوه سبوحیـان قدوسیـان آغلار
دیدون هل من معین اطرافون آلدی فرقه اعدا
اوجالدی هایـهو غوغا گران شام ایدوب غوغا
اولار یوزمـین نفر خونخواریدی سن یکه و تنـها
ایدنده یـاد او حالی گوزلریم هر دم هر آن آغلار
چخا حاشا یـادیمدان یـاندی قلبون احتراقیله
باخوب نـهره دیردون العطش عطشان دوداقیله
سنـه اهل جفا یـاره ووراردی اتفاقیله
او احوالون سالوب یـاده هامـی ان آغلار
یخیلدون ائتدی رنگین ذوالجناحون کاکلین قانـه
خیـام طاهراته یوز قویوب قاچدی یـانا یـانـه
دیلینده الظلیمـه الظلیمـه گلدی افغانـه
او خونین صحنیـه م گوزی که تا وار جهان آغلار
زبان خامـه تائب بیر بیوک غوغایـه گویـادی
دیور قان قتلگاهیندن بیـانی محنت افزادی
سوزی چکمـه اورا قاندان دولی پر موج دریـادی
سنی ده غرق ایدر هم غرق ایده هم غرق اولان آغلار
شاعر : مرحوم تائب
********************
زبانحال حضرت امام حسین (علیـه السلام)
در بالین حضرت ابوالفضل (علیـه السلام)
قارداشون پوزولدی گورجاق بئله حالی سنده قارداش
سنده گوزلرون بیر آچ گور، وار نـه حال منده قارداش
تا سسون خیـامـه گلدی، یـاندیم اوندا داده گلدیم
یـاندی سینم، اودلی قلبی تیر حسرتیله دلدیم
دلده گل آدون وفالی، دوزمدیم هرایـه گلدیم
عطر جانفزاوی آلدیم تلدن اننده قارداش
عطریوی آلا آلا من، کربلا چولون دولاندیم
صاق صولا غمـیله حیران، گه گیدوب گهی دایـاندیم
گوردوم اللرونلموش یرده دور علاوه یـاندیم
بولدوم اللره دوشوبسن، اللرون گورنده قارداش
باشون اوستونـه یتونجه، یـاشیمـی قانـه قاتدیم
اوخلی پیکرون تاپاندا ناله مـی گویـه اوجاتدیم
چکدیم اوخلاری یـاراندان بیر بـه بیر کناره آتدیم
قلبیمـه اوتوردی مـین اوخ، هر اوخی چکنده قارداش
بو یـارالی گل وجوده، اگلشوب نظاره سالدیم
یـاره اوسته یـاره گوردوم، منده قلبه یـاره آلدیم
قارداشی ئولنلر آنلار، اوندا من نـه حاله قالدیم
کیم بولر اولار نـه حالت قارداشی ئولنده قارداش
دوزدی باغبان ایدر غم، گلستان خزان اولاندا
بلبلون یرینده باغه، زاغیله زغن دولاندا
ناامـید اولار چمندن، طرفه گللری سولاندا
خار الینده لیک دوزمز، ئوز گلون گورنده قارداش
قارداشون وفالی قارداش، چاره سی داخی آزالموش
دود آهی اودلی دلدن عرش طاقینـه اوجالموش
دور بلیم سنوبدی سنسیز، اللریم بلیمده قارداش
قدیمـی بوکوبدی نالن خیمـیه گلنده قارداش
ای وفالی چوخدی دردیم، دردیمـه شراکت ایله
من اوغولسوزام غریبم، حالیمـی رعایت ایله
یوخ منـه ایدن حمایت، دور اوزون حمایت ایله
سالما بو حسینی گوزدن، بئله وقته سنده قارداش
سن امـیر لشکریم سن، من غریب پادشاهم
لشگریم سنوب بو چولده بی معین و دادخواهم
من سنی پناه بوللم، گر چه عالمـه پناهم
تک سنـه پناه گتدوخ قزلاریمدا منده قارداش
وار نـه طایفم قبیلم، نـه منیم ئیلیم بو چولده
نـه سسیمـه سس ویرن، نـه واردی همدلیم بو چولده
سنده تشنـه جان ویرورسن، گلموری بلیم بو چولده
روحیمـی منیم آلورسان، بئله جان ویرنده قارداش
سن کیمـی وفالی قارداش واردی که تا جهان تاپولماز
آغلیـان گلر سنـه چوخ، من تک آغلیـان تاپولماز
چوخلاری یـانار، آنان تک لیک بیر یـانان تاپولماز
حقی وار اگر ئولونجه آغلاسا وطنده قارداش
فاطمـه آنام ایدوبدور بیر بنای بیت الحزان
اوز بالالاریله اوردا دائما اولوبدی نالان
اوغلوون دوتوب الیندن، بی بنین آنان پریشان
وار نقدر آغلور، اول کلبه حزنده قارداش
بو بلالی چولده سنسیز، غنچه گللریم سولالار
گوزلری دولی بولود تک، اشک آلیله دولالار
قالمارام من اولماسان سن، قیزلاریم اسیر اولالار
قولاری ستمله محکم باغلانار رسنده قارداش
کیم گوروب سو اوسته سقا، تشنـه جان ویره یـارالی
سرو تک دوشـه ایـاقدان، جسمـی قان ویره یـارالی
پیکرینده هر یـارا بیر گل نشان ویره یـارالی
وار نـه بئله گل، نـه بئله سرو بیر چمنده قارداش
سن یخلدون ای وفالی، کامـه قیزلاریم چاتانماز
گوزلرین یولا تیکن لر، حسرتین آتانماز
سن دوشوب یـارالی یـاتدون، بیرده قیزلاریم یـاتانماز
امن و استراحت اولماز، آل بوالحسنده قارداش
کامـه چاتمـیانلار ایمدی عین مقصده چاتالار
سهم و صولتین هراسین، دن داخی آتالار
قورخودان یـاتانمـیانلر مطمئن اولوب یـاتالار
گورسنر عیـان، بشارت، فرقه فتنده قارداش
ای وفالی قامتوندن جامـه وفانی سویما
دویمـیوب حسین سندن، سنده اوندان ایمدی دویما
ارخاسیزدی بی کمکدی، تک بو قانلی چولده قویما
قان توکن گورور حسینون هر یـانا دوننده قارداش
تک نـه باشون اوسته من تک، اودلی درد دل دئن وار
خیمـه لرده سوزلی جوخدی، بئله حالی بولمـین وار
تیکوب یولا رقیم تک، یولوی گوزلین وار
انتظاریدی قزیم، من آیریلوب گلنده قارداش
بولموری هله سوسوزلار مشکه اوخ ایدوب اصابت
بولموری دوشوب ایـاقدان ظلمـیله بو سرو قامت
من غریبه بو یخیلموش قامت ایلیوب قیـامت
قزلاریمدا محشر ایلر حالوی بولنده قارداش
نـه قویور منی علاقه، قارداشیمـی ترک ایدوم من
حملنـه نـه واردی امکان، نـه علاج وار نیدوم من
نـه اولور قویوب یر اوسته، گل جنازه وی گیدوم من
نـه یوزیله تک گیدوم من، خیمـیه گیدنده قارداش
(تائبا) واروندی الفت، اهل بیت عصمتیله
آل برات کربلا، گئت کربلایـه همتیله
نـهر علقم اوسته ذکر ایت بو سوزی جماعتیله
قارداشون پوزولدی گورجاق بئله حالی سنده قارداش
شاعر : مرحوم حاج صادق تائب
*****************
احوالات حضرت امام سجاد (علیـه السلام)
حضرت سجاد قرخ ایل شادوخندان اولمادی
دردینـه جز درد دین بیر اوزگه درمان اولمادی
کربلاده کربلانین گوردی عاشورا سینی
فاطمـه اوغلی حسینین محشر کبراسینی
قانـه غرق اولموشلاری پر موج قان دریـاسینی
سانما احساساتی دریـا تک خروشان اولمادی
بیرطرف قانلار سپیلدی ایتدی گلگون داشلاری
بیرطرف جام شـهادت نوش ایدوب یولداشلاری
بیر طرفده قانینـه غلطان دوشوب قارداشلاری
ایلدی حسرت اولار تک قانـه غلطان اولمادی
ایتدی اقبال شـهادت دین یولوندا اهل دین
چاتدیلار بو فیضه یتمـیش بیر نفر مرد آفرین
اولدی بیله فیضدن محروم فخر الساجدین
چوخ چتین گلدی اونا بو امر آسان اولمادی
بیرطرف فیض شـهادتدن اولوبدی بی نصیب
دردی درد اوسته گلوب نـه بیر دوا نـه بیر طبیب
دور و بر بی شرم دشمن ایل اوزاق قالموش غریب
دردینـه جز درد دین بیر اوزگه درمان اولمادی
چوخ سوَردی توپراقا دین اوسته قانی آخماقی
سرخ رو قان ایچره قانین چهر دینـه یـاخماقی
چون چتین گلدی دوروب جنگاهه ساکت باخماقی
حیف خستیدی قیـامـه اوندا امکان اولمادی
گوردی دشمنلر نجه قلب بتولی اویدولار
قزلاری نـه وضعیله غارت گونونده سویدولار
چوللره یـانمـیش چادرلاردان چخوب یوز قویدولار
هامّی قاچدی سانما بیر فردی گریزان اولمادی
خیمـه گاه دین یـاناندا دوندی شامـه گوندوزی
ایستدی بوگیروداری گورمـه سین حق بین گوزی
امر ایدوب قاچدی هامـی قالدی یـانار اوددا اوزی
سی اوددان چخاتدی اوددا سوزان اولمادی
گوردی قان دریـاده غرق اولموش یـارالی نوحینی
سو یـانیندا تاپدی دینین کشتی مطروحینی
ویرمدی الدن گنـه روحیۀ پر روحینی
ظاهرا پوزقون ولی باطنده پژمان اولمادی
خاک و خونیله هم آغوش اولدی جانبازان دین
قالدیلار بی سراو خونین چولده سربازان دین
سرفراز اولدی جدالرده سرافرازان دین
گوردی بو حالی گنـه دل صبری تالان اولمادی
گوردی غوغائیله دولموش سرزمـین کربلا
قتل عامـیله اولوب خاموش مطلق برملا
هر طرف آچمـیش گل سرخ شـهادت جابجا
سانما سونلار کربلا دینی گلستان اولمادی
دور ایدوب هربلبل شوریده بیر گل باشینـه
هر آنا اوغلون تاپوب ویردی خبر گوزیـاشینـه
هربالا اوخشار آتایـه هرباجی قارداشینـه
نینوا دشتی نواسیزبی نواخوان اولمادی
خون طاها وعلی و خون زهرا و حسین
رگ لرینده جابجا جاری ح نور عین
ترک ایدوب قانلو بیـابانی امام نشأتین
بو حیـاتی مرگدن واقعده آسان اولمادی
بیر طرفدن دست بسته دل شکسته قلبی پاک
بیر طرفدن وار قاباقدا سرنوشت هولناک
قرخا دین همره یتیم داغ دیده چاک
سانما بو مولا اوزی جزه اسیران اولمادی
نـه اسارت قید کین قوللاردا گوزده اشگ تر
بیر حیـات مرگبار و محنت افزا بیر سفر
نـه سفرآدی سفر باشدان باشا خوف و خطر
بو اسارتده اونا امنیت جان اولمادی
نـه سفر دوشموش یول اوسته چوخ غم آور شـهرلر
هر طرف اهل جنایـات خِفا و جَهرلر
طعن بیگانـه شماتت لر عتاب و قهرلر
روبرو وحشی لر اونلان اولدی انسان اولمادی
کوفه شـهرین دولدوروب باشدان باشا جوش و خروش
روبرو حقی دانان دنیـاپرست وخود فروش
قول قونادسیز قوش کیمـی آل پیمبر سربدوش
کیم دیر قلب شریفی غنچه تک قان اولمادی
ناقۀ عریـان لار اوسته پیکر تبداریله
روبرو ایله آییلماز یوخلیَن افکاریله
یوخلیَن خلقی اویـاتدی آتشین گفتاریله
اولمـیه بیدار او گون روشن مسلمان اولمادی
نقطۀ پرگار ایمان اهل کفره دستگیره
شیریدی روباه لر مکریله ایتمـیشدی اسیر
بسته زنجیر اولا عار ایلمز شیر اوغلی شیر
دوزدی زنجیره قولی باغلی پریشان اولمادی
ویرمدی روحیـه سین الدن امام دادخواه
گوردی تهدیدات خصمـی خسرو اقلیم جاه
دشمنـه دشمن لر ایچره ووردی ضربه گاه گاه
اوز وقارین ساخلادی پابند خذلان اولمادی
مجلس ابن زیـاده گیتدی قولدا قید کین
قتلینـه شمشیر کینـه چکسدی جلاد لعین
وقرینی سندیرمادی اول حجت روی زمـین
ذره جه دین اوسته اؤلماقدان هر اسان اولمادی
اوتدان الهام آلدی زینب بانوی مـهدِ وقار
ویردی فرمان دوردی آل الله یریندن بیقرار
آلدیلار جلاد الیندن عابدی پوزقون قطار
عابدین قتلینده اجرا قانلو فرمان اولمادی
کوفه ده دللرده قویدی انقلابی بیر اثر
پای تخت آل هنده باغلادی بار سفر
وارد اولجاق گوردی نـه شامات یکسر شور و شر
اؤلدوره روحیـه سین بو وضع عنوان اولمادی
چوخ چتین گلدی اونا شام جفا هنگامـه سی
دلخراش اولدی اونون شاماتده برنامـه سی
باشینـه اود یـاغدیراندا دوتدی اود عمامـه سی
قوللاری باغلیدی خاموش ایتسون امکان اولمادی
چوخ جفا شام ایچره گوردی فرقۀ بیداددن
چوخ شماتتلر ایشیتدی قوم بد بنیـاددن
بارها قورتولدی شَرِّ قان توکن جلاددن
استقامتله دایـاندی حالی پژمان اولمادی
درد و رنجه آشنا ایتدی اونی بیگانـه لر
گه یری زندان اولوب گه گوشۀ ویرانـه لر
شمع تک دورین آلوب پرسوخته پروانـه لر
ایله هیچ پروانیـه شمع شبستان اولمادی
شاعر : مرحوم تائب
**********************
ای اوخ
اورکدن چخماقون ممکن دگل اینجیتمـه جان ای اوخ
پرآچ پرآچدوقون بیریـاریـه اول سایبان ای اوخ
یول آچدون حقّه حقّون وار پرآچدون تیز پرگلدون
بویوک طوفانلی عمرون شرحین ایتدون مختصرگلدون
« الونده نامۀ دعوت گتوردون خوش خبرگلدون»
«ایله بیرنامـه ایستر سن کیمـی نامـه رسان گلدون»
بو چولده بیکسم گوردون اودور سن قیدیمـه قالدون
منیم دل دردیمـی آلماقلقا بو سمته یو سالدون
گلوب یـاخشی اوتوردون قلبیمـه بو گویلومـی آلدون
صفا ویردی بو قلبه سن کیمـی بیر دلستان ای اوخ
اگر چه ظاهرا بیر قان ایچن دلدوز پیکانسان
به معنا عاشق جانباز ایچون بیر پیک جانانسان
آدوندورجانستان اما ح راحت جانسان
حسینی ایلدی راحت سنون تک جانستان ای اوخ
یـانارلی داغ اکبر ایله یـاندوردی بو نالانی
داموب قان باغریما دوتدی ورم بو قلب سوزانی
یتیشدون نیشتر ویردون بوشالدی قلبمـین قانی
منی ناراحت ایلردی گر آخمازدی بو قان ای اوخ
توخوندون قلبیمـه هرچند کاری اولدی بو یـاره
ولیکن تازه دن بیر روزون آچدون کوی دلداره
او روزندن باخوب چشم دلیم عرخ یـاره
وجودیم محو عشق حسن یـار اولدی اینان ای اوخ
داخی من محو عشق دوست اولدوم جان نـه لازم دور
شـهادتدن سوا بو دردیمـه درمان نـه لازم دور
توکولسون قوی بو قان قربان عشقه قان نـه لازم دور
ثبوت ایلر وفامـی قانیم اولدوقجا روان ای اوخ
نـه مدتدور ایدردی جوش قلبیمده اولان بو قان
داشیدی ایلییدی کربلاده بیر بیوک طوفان
اولیدیم غرق امّا نگاهه چخیدی کشتی قرآن
عجب گلدون بو طوفانی یـاراتدون بو زمان ای اوخ
گزردیم چوللری مدتدی بو فکرو خیـالیله
یوزوم گلنار اولا بو قانلی چولده خون آلیله
یـاخوب روخساریمـه دل قانیمـی قانلی جمالیله
ملاقات ایلرم اوز جدّیمـه ویرّم نشان ای اوخ
ایدردیم آرزو بو باش بوجان قربان دین اولسون
بو باش جان ویرماقیم سر مشق جانبازان دین اولسون
فنا فی الله اولوم محکم بو گون بنیـان دین اولسون
یتوردون عین منظوره بو قربانی عیـان ای اوخ
دوتولموشدی بو قلبیم من یتیشمـیشدیم داخی جانـه
نـه یـاخشی قلبیمـی آچدون یتوردون وجد شایـانـه
ملاقات ایلرم دلشاد آچیق قلبیله جانانـه
دیر بو حالیمـه احسن حبیب لا مکان ای اوخ
نوای واحسینیله بو دشتی گرچه دولدوردون
ضعیف اولموشدی دین تزریق خون تشکیلینی قوردون
بو چولده پیکردینـه حسیندن قان آلوب ووردون
بو قان قرآن و دینـه ویردی جان جاویدان ای اوخ
اگر چه نامۀ (هندی) ایدوب (تائب) سنی مأمور
سوزون تعقیب قیلدون دوشدی اما وصلۀ ناجور
ایدر اول سالخورده خاطرینـه حق اوزی مأجور
جوان روحیله ایلوب مطلع سوزده بیـان ای اوخ
یـازوب سوزلرگوزون «هندی» یـازار چوخلار اوزی اولماز
یـازورسان سنده (تائب) سوزلرون سوزلر گوزی اولماز
سوزون هرقدر شیرین اولسادا هندی سوزی اولماز
سوزونده واردی جان عنوان ایدوب اینجیتمـه جان ای اوخ
شاعر : حاج صادق تائب تبریزی
***************************
در احوالات حوادث کربلا
تراب بستر فرزند بو تراب اولدی
نجه معاویـه نین اوغلی کامـیاب اولدی
علی ولی خدانین قاپوسی باغلاندی
حسین ئولدی، پیمبر ایوی خراب اولدی
فراتیدن سو ایچوب وحش و طیر هر نـه کـه وار
بنات حضرت زهرایـه قحط آب اولدی
طویوندا اولمادی ممکن عروس یـاخسون حنا
قولین طنابوب، اللری خضاب اولدی
او قولاریکه ویرردی جواهره زینت
همان او قولاریدی بسته طناب اولدی
گونون حرارتی، عریـان دوه امان الله
او خورداجا بالالار ایسیدن کباب اولدی
قطار غم چکلن وقته کوفه و شامـه
امـیر قافله بیر ناخوش انتخاب اولدی
توکولدولر دوه دن توپراق اوسته زار و ملول
او دوغرانان بدنـه زلفلر حجاب اولدی
شکسته محمل لیلا یتنده بازاره
او بینوا یوزونـه زلفدن نقاب اولدی
بو شور عشقیدی باشدان، صدا ویرور داشدان
بو شو اوجالوب شور انقلاب اولدی
او شام شومده شام اولدی نیزده ای داد
نجوم دوره ده آی چخدی آفتاب اولدی
......................................
پیمبر عترتی بزم یزید کافرده
گوزونده هر باخانون خارجی حساب اولدی
اوپنده چوب حسینینگهربارین
نثار یوزلره گوزدن اشگ ناب اولدی
یزید بسکه تعدیده حدیدن گچدی
علی قیزیندان ایله سلب صبر و تاب اولدی
آلشدی خاطری، نطقه گلوب دانشدی خانم
همـین دانشماقا علت او التهاب اولدی
یتوردی حق سوزین ایله او بزم باطلده
یزید گوردیکه اول بزمده مجاب اولدی
شرار غیظ و عداوتله اود دوتوب او لعین
گورن زماندا کـه رسوای شیخ و شاب اولدی
گتورمرم دله هرگز دیسم دلیم یـانسون
نـه کلمـییـه متکلم او دون مآب اولدی
بو قدری وار کـه خانملار تمام آغلادیلار
عیـان او جمع پریشاندا اضطراب اولدی
اگر چه هر نـه دئدی بیر بـه بیر ایشتدی جواب
خدا بولور کـه سوالاته نـه جواب اولدی
او گون او بزمده یـابن الحسن امام زمان
نجه دیوم کـه خانم عموه عتاب اولدی
او بزم عیش یزید لعین اولدی سبب
حرام عترت اطهاره خورد و خواب اولدی
او شـهر شومده بیر مدتی خرابه شام
مقام و مسکن اولاد بوتراب اولدی
نـه ایچدیلر سو دویونجا نـه مـیل ایدوبله طعام
طعام خون جگر، یـاشی اولدی
او قدری چکدیلر رنج و محن او گل یوزلر
سارالدی رنگده مانند آفتاب اولدی
رقیـه طاقتینی ایتدی فوج غم تاراج
باخوب اونا اورهقان خانم رباب اولدی
او طفلین حالی هامـی کایناتی یـاندوردی
نـه یـالقوز آناسی باخوب مصاب اولدی
همان گجه کـه او ویرانـه یرده جان ویردی
آچوب باش آغلیـانی اهل نـه قباب اولدی
حسین اگر چه هامـی ماملکدن ال چکدی
ولی هر ایکی جهان مالک رقاب اولدی
یزید تختنی وارونـه ایلین مطلق
فغان و آه یتیمان اول جناب اولدی
یـازوب بو نوحه نی (عاصی) اگر چه ویردی باشا
ولی مقدمـه (بیضادن) اکتساب اولدی.
11 بیت اول از مرحوم شیخ اسماعیل تائب
و بقیـه از مرحوم مشـهدی حسن عاصی
*************************************
حضرت امام حسین (علیـه السّلام)
تعالی الله عجب کاخ فلک فرسادی بنیـادی
وروبدور اوج او ادنایـه باش قوسین ایوانی
سلیمان هاردادی گلسون مُمَرّد صَرحَه سیر ایتسون
که دیو و دد یرینده صف چکوبدور حور و غلمانی
عیـاندور شمسۀ نور حرمدن نور لاهوتی
نـهاندور تربت مشگ آفرینده سرّ یزدانی
بیر آچ اوز آسمان بین دیده وی باخ سطح غبرایـه
ویرور تمثال عرش حقّی عرضه چار بنیـانی
غلط دوشدی سوزوم گر وار خدانین عرش اعلاسی
بو کاخ اولموش دلیل استوای عرش رحمانی
فلک باشین اگر چون دیو تخت جم قباقینده
جهانی حلقۀ خاتم ایدر دست سلیمانی
حسین بن علی اول شـهسوار صحن عاشورا
مُبرهن آرتوران عالمده عزّ و شأن انسانی
بیلنمزدی او سرّ عَلَّم الاسمانی که تا محشر
ازلده اولماسیدی بوالبشر طفل دبستانی
قالاردی که تا ابد حوّای امکان شب تک آبستن
طلوع ایتمزدی گر صبح ازلدن روی رخشانی
عجب یوخ نسل زهرا و علیدن بیله بیر فرزند
سزادور ایله بحرینین اولا بیر بیله مرجانی
فروغ رغمبر نمایـاندور جبینیندن
شکوه سهم حیدر گزلدوب جَیبینده خفتانی
اگر دامانینـه جبریل الیله بیر تکان ویرسه
توکر بیر آسمان بی شک ملک پاکیزه دامانی
حسین سیمای ایمان دور حسین شمع هدایتدور
ایدوب روشن جهانی سر بسر نور درخشانی
حسین الگوی مردیّ و شرف دور روح آزادی
یـازوب کوی وفاده قانیله آزادی عنوانی
اولوب اُز قانینـه غلطان سوسوز عالی مرام اوسته
ایدوب زنده قیـام حشر اولونجا دین و قرآنی
حسین قربانی عشق اولدی «تائب» زنده دور نامـی
اولا عشّاق عالم بو فدای عشق قربانی
شاعر : مرحوم تائب تبریزی
************************
وداع حضرت امام حسین (علیـه السلام)
فریـاد او وقتیدن کـه گوروب زینب حزین
مـیدانیدن یـارالی امام هدی گلور
گل پیکری دولوبدی سراسر یـارائیله
هر بیر نفس چکور یـارالاردان دِما گلور
باشی یـارالیدور آتاسی مرتضی کیمـی
آنّیندا داش یـاراسی دل مصطفی گلور
عرض ایتدی گل باشون یـاراسین باغلیوم حسین
من تک یـاراوی باغلاماقا کیم سزا گلور
سن تک بلالی قارداش اولار نـه جهانیده
من تک نـه بیر باجی اولا صاحب وفا گلور
آلدی خبر حسین گلوسن بیرده خیمـیه
ایتدی اشاره باشیله، معناسی لا گلور
یعنی آنام باجی منیم اولماز قِییتماقیم
امن اولسا آشیـانینـه مرغ قطا گلور
گیتدیم، گوزیوی تیکمـه یولا، یول گوزتلمـه
هیـهات بیرده خیمـیه بو مبتلا گلور
بوردا گورنمـه سن گوره سن شـهر کوفه ده
باشیم اولوبدی زینت نوکِ جدا گلور
زینب دیدی حسین آنامـین وار سفارشی
ایتسن قبول قلبیمـه بی حد صفا گلور
سویلوب اُپم بوغازیوی آخِر وداعیده
اُپسم اله رضایت خیرُ النّسا گلور
ویردی جواب قیل آنامـین امرینـه عمل
زهرا رضایتیله رضای خدا گلور
اُپدی اجازه سیله حسینین بوغازینی
بوردا ظهوره منظره ی غمفزا گلور
بو صحنیـه باخوردی رقیّه کنا
گوردی بو آیریلیق گوزه پرماجرا گلور
بو حالتیله کـه باباسی آیریلوب گیدر
بیرده چتین خیـامـه شـه کربلا گلور
گلدی بلالی عمّه سینون دوتدی دامنین
گفتاره عمّه سیله او نازلی بالا گلور
عرض ایتدی اُپدون عمّه بابامـین بوغازینی
چوخ پرملال خاطره بو مایُری گلور
سالدون او حالیله کـه بابامـی بیبی یولا
بولدوم محال بیرده امام هدی گلور
معلوم اولان کـه بیرده قِییتمز منیم بابام
اوندا بلالی باشیمـیزه نـه بلا گلور
باشسیز قالان عیـالینـه کیم عمّه باش چکر
کیملر حمایت ایتماقا اوندانصورا گلور
کیم دردیمـه یتر، گوزیمون یـاشینی سیلر
درمان درد ایتماقا الده دوا گلور
رافتله کیم چکر منی آغوشـه جان کیمـی
کیم بو شکسته گوگلونی آلماقلیقا گلور
الدن گیدور وفالی بابام، کیم بابام کیمـی
سایـه بلالی باشیمون اوسته سالا گلور
کیم نازیمـی چکر، کیمـه ناز ایلرم بویور
کیم غم گونونده حالیمـه دلدن یـانا گلور
زینب بویوردی من چکرم نازیوی اوزوم
مندن نیـازِ ناز اولا سندن سزا گلور
سن ناز ایله منده سنون نازیوی چکوم
ناز ایتسه نازدانـه نـه قدری بجا گلور
بیبابان گیدنده سنی تاپشیروب منـه
عیناً عمل وصیّتینـه جابجا گلور
سندن بیر آن گل اوزلی قیزیم گوتورمرم
منّتدی جانـه هرنـه یولوندا بلا گلور
قارداش بالاسین عمّه لر عالمده چوخ سویر
بو عرض حالیمـه بیبی لر آشنا گلور
من تک وفالی عمّه اولار نـه جهانیده
سن تک نـه بیر وفالی صفالی بالا گلور
من تک نـه دل ویرن اولی قارداش بالا
سن تک نـه عالمـه دل آلان دلربا گلور
بیله اوزون ایتورمـه هله عمّن اُلمـیوب
غملر سنی تاپاندا بیبون غمزدا گلور
زهرا باخیشلی گوزلرون آز دولدوروب بوشات
سن آغلینده نای دلیمدن نوا گلور
ای مـه جبین سنی گوزون اوستونده ساخلارام
سنلن ایشیق بو گوزلریمـه مـه لقا گلور
گیتمـه گوزومدن آهوی چین و ختای عشق
تیرینـه نشان ایده اهل خطا گلور
سنده بلالیسان بالا منده بلالیم
سندن منـه صفا، منـه سندن وفا گلور
کرب و بلا بلاسی یتر باشـه، باشیوه
شاماتیده وقایع ویرانسرا گلور
تائب تدارک ایله محرّم عزاسینی
آماده اول عزایـه کـه ماه عزا گلور
تائب بو دل لری سنـه دل صاحبی ویروب
علّت اودور سوزون قلمـه چوخ رسا گلور
آغلار ح صدقیله دنیـاده آغلاسان
محشر گونی شفاعتیوه مصطفی گلور
شاعر : مرحوم تائب
*************************
زبانحال حضرت امام حسن مجتبی (علیـه السلام)
ظلمـیله مسموم اولموشام ای مظهر زهرا باجی
الدن آلوب آرامـیمـی بو زهر جان فرسا باجی
زهر هلاهل ایچدیروب قارداشیوه اهل جفا
دور گور نـه حاله قالموشام ای کوکب برج وفا
یـاندیم یـاخیلدیم قالمادی عمریم بهارینده صفا
من ناله ایلوم، سنده دی گوزیـاشلی واویلا باجی
زهرایـه بنزر گوزلرون دولدورما چوخ دریـا کیمـی
آز قطره قطره گوزیـاشون توک لولوءِ لالا کیمـی
مرضیّه دن سود امّوسن، مرضیّه اول زهرا کیمـی
ایتسون مبادا صبریوی دست بلا یغما باجی
ایلوب مشیّت اقتضا مسموم اولوب دلدن یـانام
الله یولوندا صبر ایدم هر مشکلی آسان سانام
قالمور آنام درده یته، سن هم باجیمسان هم آنام
سنسن آنام تک دردیمـی آلماقلیقا اولی باجی
باخما دولی گوزلی بیله مسموم اولان قارداشیوه
ایمدی دایـان دور، یتمسون غمله گره خم قاشیوه
مندنصورا غم یـاغدورار دنیـا بلالی باشیوه
هر یـانـه گیتسن سنله وار درد و غم دنیـا باجی
بیر یـاندا گلموش نالیـه آغلار یـانار اوغلوم حسن
بیر یـاندا عبدالله اولوب سرگشته پابند محن
بیر یـاندا حسرتله باخور بو قاسم گل پیرهن
مـینلرله حسرت یـاغدیرور ایتدوقجا هر ایما باجی
گاهی قویور دیواره یوز، اشکین عذاره باغلوری
گاهی یتیمانـه باخور قلب جهانی داغلوری
قویمور اوجادان آغلاسون شرمـی، صداسیز آغلوری
وقریله ایلور عفّتین اثبات او مـه سیما باجی
آل زینب زهرا شیم بیر آن دیز اوسته باشیمـی
یغ باشیوه بو صحنـه ی غمده سن آل هاشمـی
آگاه قیل بو حالیدن بیرده حسین قارداشیمـی
صون دمده یتسون دردیمـه اول سرور بطحا باجی
یردن گوتورسون نعشیمـی مـهریله اول جان جهان
دوزسون دایـانسون دشمنیم گر ایتسه طعن بی امان
تابوتیده اعدا منی یتمـیش اوخا ایتسه نشان
اقدام دعوا ایتمسون صبر دل زهرا باجی
بوردا دایـانسون داشماسون هرچند خصم ایذاسی وار
امّا قاباقدا باشینون طاقت غوغاسی وار
طاقت غوغائیله تشکیل عاشوراسی وار
تاریخ عاشورا یـازار غوغای عاشورا باجی
غم لشکری مندنصورا اطرافیوی محصور ایدر
بار غم دورِ زمان قدّون بوکر رنجور ایدر
جبر فضا امر قضا آخِر وطندن دور ایدر
کرب و بلا صحرا آخِر چکر اعدا باجی
کرب و بلا صحراسینی ازبس دوتار اهل جفا
یوز مـین قوشون قان قان دیر، امّا حسین بی آشنا
سانسیز وورار یـاره اونا ظلمـیله قوم اشقیـا
مجروح مرکبدن دوشر شاهنشـه بطحا باجی
قان ایچره مستولی اولار بسکه اونا سوز عطش
سانسیز یـارالی جسمـیله قاتل لر ایلر کشمکش
غلطان اولار اوز قانینـه سسلر حسینیم العطش
سو ایستیر، یـاره وورار شرار بی پروا باجی
ظلمـیله قوم اشقیـا کام دلین ایلر حصول
آتدان تراب اوسته دوشرتشنـه فرزند رسول
اول پیکر صد پاره ده آت گزدیرر قوم جهول
عیناً همان ساعت اولار محشر سنـه برپا باجی
بیر عمردور بو پیر اولان ((تائب)) بیزه وابسته دی
یکرنگ دور یکروی دور،گفتاری بیر سوز اوسته دی
امّا جوان داغی اونی جاندان سالوب دلخسته دی
صبر ایلسه الله اونا پاداش ایدر اهدا باجی
شاعران : مرحومـین ذهنی زاده ، صافی ، تائب
*****************************
زبانحال حضرت امام حسین (علیـه السلام)
خطاب بـه حضرت رقیـه (سلام الله) درون قتلگاه
مـه گٙل گُوزل بالا نازلی رقیّم آغلاما
بیله یـانوب سیزیلداما نازلی رقیّم آغلاما
قید جفایـه بسته‌سن؛ اهل جفا اسیری‌سن
غصّه‌یوروبدی‌خسته‌سن؛دردوبلا اسیری‌سن
ظلمـیله دلشکسته‌سن؛ کرب‌وبلا اسیری‌سن
باخما بو نوع صاق صولا؛نازلی رقیّم آغلاما
گرچه چتیندی بلبله؛ صحن چمندن آیریلا
ترک ائده گُل بوداقینی؛سرووسمندن‌آیریلا
یعنی‌سنون کیمـین بالا؛جبریله مندن‌آیریلا
لیک نـه چاره وار بالا ؛ نازلی رقیّم آغلاما
سؤگولوم عادت ائتموسن؛دائماً اعتناقیمـه
لیک‌بوگُون جفائیله؛توش اولوسان‌فراقیمـه
مـه سال‌اُوزون‌آلوم؛بیرده‌سنی‌قوجاقیمـه
ایلمـه نی کیمـی نوا ؛ نازلی رقیّم آغلاما
غصّه‌لی‌سن زبس دولوب؛ابربهارتک گوزون
چوخ سنی انجیدوبدیلر؛واردی‌ئورکده‌چوخ سوزون
گتمـه‌لیسن علاجسیز؛مـه بیرده سال اوزون
دردیوی دی ائدیم دوا ؛ نازلی رقیّم آغلاما
من شـه مشرقینیدیم؛ظلمـیله قانـه باتموشام
ئولدوروب‌اوز رعیّتیم؛عالمـی گوزدن آتموشام
پیکر چاکچاکیله؛قانلو قوم اوسته یـاتموشام
یـارا بدن یـارا ؛ نازلی رقیّم آغلاما
ایله‌بیـان‌گوروم ندن؛سن بئله‌حاله قالموسان
خرداجا سنّیله دله؛بیر بئله غصه سالموسان
ای گل ناز گلشنیم ؛ بیله ندن سارالموسان
رنگون اولوبدی کهربا ؛ نازلی رقیّم آغلاما
سن بالا داغلوسان؛سولموش اوزون نشان ویرور
داغلی دلون یـانور گوزون؛جامـی عذاره قان وئرر
غملریوی بو یـاشون؛سولموش اوزونده سان ئرور
نسکلوه جهان فدا ؛ نازلی رقیّم آغلاما
من بولورم رقیّه جان؛سن نـه‌قدر وفالیسان
من کیمـی داغلیسان؛سنده ئورک یـارالیسان
منده باشی بلالیم ؛ سنده باشی بلالیسان
دُز دی بلالره بلی ؛ نازلی رقیّم آغلاما
شاعر : مرحوم تائب
*****************************
در احوالات حضرت امام جواد (علیـه السلام)
جواد آل پیغمبر اولوب مسموم جان وئردی
حسینین سو دیوب جان وئرماقین عینا نشان وئردی
(اولوب مسموم جان وئردی)
ز بس غم وئردی یوز چکدی همـیشـه ناله جانکاه
محاقه مایل اولدی چرخ عزتده اولان بیر ماه
چکوب طول مصائب رشته عمرین ایدوب کوتاه
جوان وقتینده جان اول شـهریـار انس و جان وئردی
ایرمـی بش ایل عمرین ایلیوب اهل خبر مرقوم
بو آز عمریله اولدی اول شـه دین لیک چوخ مظلوم
ایدوبلر عاقبت غربت ولایتده اونی مسموم
یـانوب دلدن اونا هر لحظه یوز سوز نـهان وئردی
خزانـه که تا بهارین صرصر بیدادی دوندردی
قضا گلچینی باغ عمرینین عشرت گلین دردی
سارالدی گلشن دینین عطشدن نو گل وردی
اونون باده صفاسین آفت باد خزان وئردی
اولان ئوز عهدینـه عشق عالمـینده بند و وابسته
چکردی انتظارین اوغلونون جان اوسته دلخسته
سو جامـی الده حاضر اولدی ئوز اوغلی باشی اوسته
آتائیله بالا دل دردینـه شرح و بیـان وئردی
آتادان گلدی آخر دم اوغول جویـای حال اولدی
آتا گوردی جوانین دن زایل ملال اولدی
حسینی جان وئرنده درک ایدن اما هلال اولدی
اورکدن اودلانوب احوالینـه نی تک فغان وئردی
گوروب بیر زخمدار آهو کیمـی دوشموش او دلخسته
چالور قان ایچره دست و پا , وورالار زخمـی زخم اوسته
باخور حسرتله سویلور العطش آهسته آهسته
هلالین قلبینـه رقّت بو اندوه گران وئردی
خیـال ائتدی ئوزینـه حق یولوندا آبرو وئرسین
گل مقصود زهرایـه او چولده رنگ و بو وئرسین
او یـالقیز بی وتشنیـه جان اوسته سو وئرسین
نشان ئوز همتین گزلین مرام اوسته عیـان وئردی
گیدوب سو گتدی سیراب ایلسین اول شاه عطشانی
گلنده گوردی یولدا شمر شوم و نامسلمانی
گوزی یـاشلی , الینده قانلی خنجردن آخار قانی
دیدی گیتمـه ح خنجریم آب روان وئردی
دیدی یوخسا بساط ظلم و کینـه قورموسان ظالم
حسینی ئولدوروب زهرا گلین سولدورموسان ظالم
ندن بس اشگویله گوزلرین دولدورموسان ظالم
دوباره دانـه اشکین توکوب رخساره سان وئردی
دیدی قان ائتمـیشم دوزدور بو چولده قلب زهرانی
بو گون رحم ائتمـیوب ئولدورمـیشم معنای قرآنی
ولی بو ناله و فریـادیمـین وار اوزگه عنوانی
دولاندی قانیله دولموش چوخور بیر یر نشان وئردی
باخوب گوردی او یرده بیر اوجا قامت خانم عورت
دوتوبدور خیرداجا بیر قیز الیندن ده حسرت
وورور باشسیز جنازه باشینـه دوره او خوش فطرت
دیور قارداش سنون تک هانسی بیر مظلوم جان وئردی
باجون اولسون اورکده قالدی چوخ گزلین سوزون قارداش
دلینده العطش باخدی سویـا حسرت گوزون قارداش
آتان ساقی کوثر, تشنـه جان وئردون ئوزون قاراش
سنـه قان سو یرینـه تیغ تیز جانستان وئردی
عزادار حسین "فکری" ائدوب ترغیب اولوب بانی
چکوبدور نظمـه "تائب" بو قضایـای غم افزانی
نصیب ائت قبرینی یـا رب دیـاق اوردا بو عنوانی
جواد آل پیغمبر اولوب مسموم جان وئردی
شاعر : مرحوم تائب
********************
ورود بـه ماه محرم و گریز بـه احوالات وداع
هر سمتیدن قولاقه حسینی نوا گلور
سینموش اورکلره بو نوادن صفا گلور
گویـا محرّم آخشامـیدور، کوی و برزنـه
قاره چکوبله عالمـه حال عزا گلور
اهل عزا باتوبلا محرّم قرا
پیر و جوان گیوبدی لباس قرا گلور
ایلوب حسین ترک وطن چوللری گزر
کرب و بلایـه پادشـه کربلا گلور
ناقص قویوبدی حجّینی بیت الحرامـیده
کوی وفاده ایتماقا سعی و صفا گلور
شوریده سردی باغلیوب احرام کربلا
دشت بلانی ایتماقا رشک منا گلور
قرباننمـیوبدی، منای محبّته
جمع ایلیوبدی باشینـه یتمـیش فدا گلور
چشم بصیرت ایستوری گورسون او عالمـی
بولسون کـه بیت صاحبی هاردان هارا گلور
بیت و حرمدن آیری دوشوب کربلا
شوریله مُحرم حرم کبریـا گلور
بیر قافله اونیله دوشوب طیّ راه ایدر
آردینجا غیبیدن بو صدا بو ندا گلور
بو کاروان دالینجا دوشوب کاروان مرگ
هر یـان او جمعیله دولانور پا بـه پا گلور
روح امان خلق امانگاهی ترک ایدوب
وحشت زده، امانسیز، امـینُ الوَری گلور
بعضی گورور امامـی او حالیله درک ایدور
زنگ خطر صداسی اونا برملا گلور
بی راهه یول دوتوب یولونی ایلوری عوض
درک ایلمور امامـی، کـه باشـه بلا گلور
هر کیمسه دوشسه مشکله دنیـاده رسمـیدور
اوندان قاچالّا، درکینـه حال اِبا گلور
مسلم شـهادتین ایشیدوب بین راهیده
اولموش عزالی، اگنینـه گیموش قرا گلور
عاشور شور اولاندا چخاردار او قاره نی
اوندا حسینین اگنینـه قانلی رَدا گلور
مسلم شـهادتی اونا مطلق بیـان ایدور
کلک قدر یـازوب باشینا نـه قضا گلور
بوندان بیله تمام بنین و بناتیله
سلطان عشق پادشـه کربلا گلور
هردم گوزل گوزیله باخور رهگذاریده
بیگانـه نی ایدور اوزینـه آشنا گلور
قربان اولوم او گوزلره کـه بیر نگاهیله
ایلور مسیحی اوغلونی اهل ولا گلور
گویـا سراغ آلوب یخلان قتلگاهینی
دشت عراقه سالماقا شور و نوا گلور
قارداش بالاسی، قارداش اوغول باشدا، کعبه ی
اهل وفایـه خامس آل عبا گلور
مظلوم عمو یـانینجا اُله قان حنا یـاخا
دوشموش نشانـه ی حسن مجتبی گلور
مجنون عشق ایدوب چوله لیلانی سالماقا
مظلوم آتِیله اکبر گلگون قبا گلور
عبّاس نامدار علمدار کربلا
آچموش امام باشینون اوسته لوا گلور
سقّادی تشنـه قیزلارا سقّالیق ایتماقا
مشکین سالوبدی چیگنینـه دلده صفا گلور
بیر شیرخواره غنچه لبی غنچه گل کیمـی
گل سی ایدوب اوزینـه بیر آنا گلور
هردم دولاندیرور بالا آهو باخیش گوزین
جوشـه آنا دلینده کی مـهر و وفا گلور
ایگلور اُپور، او غنچه گله لایلای دیور
لایلای دینده داغ داش اونا همصدا گلور
اصغر دیولّر آدینا اکبردی شانیده
نازیله بی نیـازینـه اولسون فدا گلور
شش ماهه لیقدا ایستوری سوددن آچیلماقین
دلده او شوق باشدا او شور و هوا گلور
اوخ دایـه سی گوزتلوری سوددن اونی آچا
تاپسون او دایـه نی او گل اوزلی بالا گلور
سجّاد عابدین کـه اولوبدور مریض عشق
آلسون شِفا اوزینـه او روح شِفا گلور
بازار شامـی سیر ایده قولّاردا سلسله
زین العباد سلسله ی اوصیـا گلور
دین دردی واردی، نسخه ی درمان الینده دور
بازار شامـیدن آلا قطعی دوا گلور
شام جفایـه تاپمادی یول مرتضی علی
شامـه نیـابتاً گیده اول مقتدا گلور
مدّاحِ مرتضادی گیده شامـیده دیـه
سفیـانیـانـه منقبتِ مرتضی، گلور
زینبده آیریلانماز عیـاندور حسینیدن
بیر روح ایکی بدنده او اخت و اخا گلور
چون یـاخشی یـاره باغلاماقین مشقین ایلیوب
کوی بلاده باغلاماقا چوخ یـارا گلور
نازلی رقیّه عمّه سینون دامنین دوتوب
اولسون اوز عمّه سیله اسیر بلا گلور
بیر شورش قیـامتی وار شـهر شامـیده
کرب و بلاسی بو خبره مبتدا گلور
اودلار جهانی خوردا اوشاق وااَبا دیسه
کرب و بلا چولینده دیـه وااَبا گلور
ویرانـه ده یـاتا اویـادا یـاتموش عالمـی
واردور آییق او قلبیده بو مدّعا گلور
فریـاد او وقتیدن کـه گوروب زینب حزین
مـیدانیدن یـارالی امام هدی گلور
گل پیکری دولوبدی سراسر یـارائیله
هر بیر نفس چکور یـارالاردان دِما گلور
باشی یـارالیدور آتاسی مرتضی کیمـی
آنّیندا داش یـاراسی دل مصطفی گلور
عرض ایتدی گل باشون یـاراسین باغلیوم حسین
من تک یـاراوی باغلاماقا کیم سزا گلور
سن تک بلالی قارداش اولار نـه جهانیده
من تک نـه بیر باجی اولا صاحب وفا گلور
آلدی خبر حسین گلوسن بیرده خیمـیه
ایتدی اشاره باشیله، معناسی لا گلور
یعنی آنام باجی منیم اولماز قِییتماقیم
امن اولسا آشیـانینـه مرغ قطا گلور
گیتدیم، گوزیوی تیکمـه یولا، یول گوزتلمـه
هیـهات بیرده خیمـیه بو مبتلا گلور
بوردا گورنمـه سن گوره سن شـهر کوفه ده
باشیم اولوبدی زینت نوکِ جدا گلور
زینب دیدی حسین آنامـین وار سفارشی
ایتسن قبول قلبیمـه بی حد صفا گلور
سویلوب اُپم بوغازیوی آخِر وداعیده
اُپسم اله رضایت خیرُ النّسا گلور
ویردی جواب قیل آنامـین امرینـه عمل
زهرا رضایتیله رضای خدا گلور
اُپدی اجازه سیله حسینین بوغازینی
بوردا ظهوره منظره ی غمفزا گلور
بو صحنیـه باخوردی رقیّه کنا
گوردی بو آیریلیق گوزه پرماجرا گلور
بو حالتیله کـه باباسی آیریلوب گیدر
بیرده چتین خیـامـه شـه کربلا گلور
گلدی بلالی عمّه سینون دوتدی دامنین
گفتاره عمّه سیله او نازلی بالا گلور
عرض ایتدی اُپدون عمّه بابامـین بوغازینی
چوخ پرملال خاطره بو مایُری گلور
سالدون او حالیله کـه بابامـی بیبی یولا
بولدوم محال بیرده امام هدی گلور
معلوم اولان کـه بیرده قِییتمز منیم بابام
اوندا بلالی باشیمـیزه نـه بلا گلور
باشسیز قالان عیـالینـه کیم عمّه باش چکر
کیملر حمایت ایتماقا اوندانصورا گلور
کیم دردیمـه یتر، گوزیمون یـاشینی سیلر
درمان درد ایتماقا الده دوا گلور
رافتله کیم چکر منی آغوشـه جان کیمـی
کیم بو شکسته گوگلونی آلماقلیقا گلور
الدن گیدور وفالی بابام، کیم بابام کیمـی
سایـه بلالی باشیمون اوسته سالا گلور
کیم نازیمـی چکر، کیمـه ناز ایلرم بویور
کیم غم گونونده حالیمـه دلدن یـانا گلور
زینب بویوردی من چکرم نازیوی اوزوم
مندن نیـازِ ناز اولا سندن سزا گلور
سن ناز ایله منده سنون نازیوی چکوم
ناز ایتسه نازدانـه نـه قدری بجا گلور
بیبابان گیدنده سنی تاپشیروب منـه
عیناً عمل وصیّتینـه جابجا گلور
سندن بیر آن گل اوزلی قیزیم گوتورمرم
منّتدی جانـه هرنـه یولوندا بلا گلور
قارداش بالاسین عمّه لر عالمده چوخ سویر
بو عرض حالیمـه بیبی لر آشنا گلور
من تک وفالی عمّه اولار نـه جهانیده
سن تک نـه بیر وفالی صفالی بالا گلور
من تک نـه دل ویرن اولی قارداش بالا
سن تک نـه عالمـه دل آلان دلربا گلور
بیله اوزون ایتورمـه هله عمّن اُلمـیوب
غملر سنی تاپاندا بیبون غمزدا گلور
زهرا باخیشلی گوزلرون آز دولدوروب بوشات
سن آغلینده نای دلیمدن نوا گلور
ای مـه جبین سنی گوزون اوستونده ساخلارام
سنلن ایشیق بو گوزلریمـه مـه لقا گلور
گیتمـه گوزومدن آهوی چین و ختای عشق
تیرینـه نشان ایده اهل خطا گلور
سنده بلالیسان بالا منده بلالیم
سندن منـه صفا، منـه سندن وفا گلور
کرب و بلا بلاسی یتر باشـه، باشیوه
شاماتیده وقایع ویرانسرا گلور
تائب تدارک ایله محرّم عزاسینی
آماده اول عزایـه کـه ماه عزا گلور
(تائب) بو دل لری سنـه دل صاحبی ویروب
علّت اودور سوزون قلمـه چوخ رسا گلور
آغلار ح صدقیله دنیـاده آغلاسان
محشر گونی شفاعتیوه مصطفی گلور
شاعر : مرحوم تائب
************************
شـهادت حضرت امام جعفر صادق (علیـه السلام)
ای جعفری مذهبلرین آرام جانی
گیتدون عزادار ایلدون اهل ولانی
واگیر ::
ای صادق آل عبا
اولسون سنـه جانلار فدا
ای وای آقام وای
ای دللره داغلار قویـان ای وای آقام وای
امـید ائوین باغلار قویـان ای وای آقام وای
ای شیعه نی اغلار قویـان ای وای آقام وای
ای ایلین ماتم زده پیر و جوانی
ای سی گنجینۀ علم الهی
ای محضر درسی اولان دین پایگاهی
ای سایۀ قدسی اولان حق شاهراهی
مذهبده روشن ایلین اهل ولانی
جسم بیـانـه ای ئوزی بیر روح ناطق
ای خالق فضل و ادب مخلوق خالق
تعلیم ائدن ای اهل صدقه فقهِ صادق
ای اوستاد مکتب علم و معانی
گمراه ایدوبدی امتی باطل یـازنلار
حق علمـینی مدفون ایدوب مدفن قازانلار
تاپمازدی یول سن اولماسیدون یول آزانلار
فقهیله آگاه ایلدون کلّ جهانی
سن آچماسیدون مکتب درس و دیـانت
سن سالماسیدون عالمـه نور فقاهت
تاریک اولاردی عالم دین و شریعت
سن زنده ائتدون شرع حکم مصطفانی
سن فقهیله دانانی جاهلدن آیردون
سن علمـیله نادانی عاقلدن آیردون
چکدون ریـاضت حقی باطلدن آیردون
واردور سنون فقهونده روح جاودانی
مولا سنون اسلامـیده چوخ خدمتون وار
هر بیر پریشان جمعده جمعیتون وار
اهل تشیُّع گردنینده منتون وار
سنسن سرافراز ایلین بو شیعیـانی
سن حکم شرع ذات بیچونی دیریتدون
عاشورده ناحق آخان قانی دیریتدون
قاندان حسین یـازمـیش او قانونی دیریتدون
دوتدون مرام شـهسوار کربلانی
آچدون سن اسلام اهلینـه راه سعادت
منصور جانی ائتدی بو امره حسادت
آری اولار گمراه اولان لاردا بو عادت
قصد ائتدی خاموش ایلسون نور خدائی
ائتمـیشدی بسکه سست اونی جام غروری
حقی گورنده خیره اولدی چشم کوری
حقّونده آرتوردی سنون هر ظلم و زوری
ظلمـینده چخدی حددن اول خصم جانی
باخموب کـه سن دلبند پاک مصطفاسن
باخموب کـه سن فرزند شاه لافتاسن
باخموب کـه سن صبر دل خیرالنساسن
بُلدی روا حقونده هر جور و جفانی
باخموب کـه سن چشم چراغ ماسواسن
باخموب کـه سن بیر یـادگار مجت
باخموب کـه نور چشم شاه کربلاسن
گتدی بلالی باشیوه هر بیر بلانی
ئوز کینـه سین زهرایـه معلوم ائتدی آخر
سن تک امـید خلقی مظلوم ائتدی آخر
انگور مسمومـیله مسموم ائتدی اخر
سندن او زهر آلدی داخی تاب و توانی
آچدون گوزون باخدون دوشنده احتضاره
گوردون بالان موسا آلوب باشون کناره
جدون حسین اما دوشنده پاره پاره
گوردی باش اوسته زینب بی خانمانی
فرمایش ائتدی ای منـه جانانـه زینب
شمع وفایـه ای اولان پروانـه زینب
بوردا دایـانما بوردا وار بیگانـه زینب
گئت خیمـه گاهه باشـه یغ آل عبانی
ال آچسا ظلمـه آل فرزند سمـیه
قویما وورا قزلاریمـی آل امـیه
قویما خصوصاً آغلاسون نازلی رقیـه
چوخ ایسترم اول شیرین زبانی
بیر کوچه مشگی نوحه خوان ائتدی تقاضا
شوقیله تائب ائتدی بیله نوحه انشا
امـیدوار روز جزا خاتونی زهرا
اوتدان قوتارسون شاعریله نوحه خوانی
شاعر : مرحوم تائب
************************
تسلیت حضرت امام حسن مجتبی (علیـه السّلام)
در عزای پدر بـه حضرت امام حسین (علیـه السّلام)
دور آتام هجرینده ایتمـه ذکر واویلا حسینیم
توکمـه یـاشین سرور سینۀ زهرا حسینیم
قویما بوینون چیگنوه چوخ اشگون آز رخساره باغلا
آه آتشبار چکمـه قلبون آز حسرتله داغلا
گوزلرون قربانی قارداش اُز اُزون یورما آز آغلا
عرش اعلایـه اوجاتما بانگ واویلا حسینیم
قان اولار دل لر بلالی سن بیله دل داغلینده
حسرتیله گل جماله اشگ حسرت باغلینده
عالم آغلار یر گوی آغلار سس چکوب سن آغلینده
ایتمـه ناله ای حبیب خالق یکتا حسینیم
غم دوتار کلّ جهانی سن حسین غمگین اولاندا
اشگیله گوزلر دولالّار گوزلرون اشگه دولاندا
سر بسر گل لر سولا للار عارضون گل تک سولاندا
سولما زهرا گلشنینده ای گل زیبا حسینیم
چوخ اورکلنمـه بو قدری باشینـه اشگون بوراخما
اللرون قوینوندا بیله صاق صولا حسرتله باخما
گوزلرون دولدورما باخما قارداشون یـاندیرما یـاخما
اودلی قلبونده یـاراتما آه آتش بار حسینیم
پیکر مـهر و وفایـه سن حسین روح روانسان
نور ایمان روح قرآن اصل دین جان جهانسان
جوهر جان سان عزیزیم سیّد اهل جنانسان
احترامون ساخلار اهل عالم بالا حسینیم
سن منیم صبر دلیمسن هم آنام زهرا عزیزی
هم آتام آرام جانی هم بابام طاها عزیزی
هم حبیب لم یزلسن خالق یکتا عزیزی
آغلاما پوزما وقارون عزّته دارا حسینیم
سن روان عاطفتسن هیکل مـهر و وفاسن
ین اوسان اسمون دوادی ذکر اولان دلده شفاسن
خامس آل ع شـهسوار کربلاسن
هر بلا گَلسه بلا - دی لا دیمـه اصلا حسینیم
اود دوتوب قلبون دولوبدور قانیله بیللم لبالب
آغلاما بیر بیله امّا توکمـه یـاشین مرتّب
سن بیله بی صبر اولاندا نیلسون مظلومـه زینب
گورموسن آغلار اوغونماز زهرا حسینیم
آغلاما صبر ایت بلالی باشوین غوغاسی واردی
کربلاده ماجرای یوم عاشوراسی واردی
زینبین اوردا همان گون محشر کبراسی واردی
ای قتیل تشنـه کام یوم عاشورا حسینیم
ایله بیر گوندور کـه زهرا وای بالام وای باشلار آغلار
رنگی سولموش قزلار آغلار باجیلار قارداشلار آغلار
یرلر آغلار گویلر آغلار داغلار آغلار داشلار آغلار
سسلنر وای قارداشیم وای زینب کبری حسینیم
دین یولوندا باش ویرنلر دینینـه قربان اولالار
تشنـه لبلر،سود امرلر،پیرلر نورس جوانلار
مردلر گل پیکریندن سوکیمـی آخدیقجا قانلار
کربلا صحراسین ایلر قانلی بیر دریـا حسینیم
«تائبا» سن دوت بقانی بو جهان دار فنادی
بو فنا دنیـا مقام امتحان ماسوادی
هر گون عاشورادی هر یر کربلای پر بلادی
اهل عاشورا اولوب - دی ای گوزل مولا حسینیم
شاعر : مرحوم تائب تبریزی
*********************
کوچ از خرابه شام
قرا گینلری باشـه یغوب باشندا قرا
بلالی زینب ائدوب عزم کوی جانانـه
اولار کـه ورموشیدی اهل بیته دل یـاراسی
اشیتدیلر وئریلور کوچ آل عمرانـه
قرا لباس گیوب گلدیلر مشایعته
حضور زینبه دل آچدیلار ذلیلانـه
دیریدولر بیزی زهرا قیزی گذشت ایله
یزیدون ایلسون الله ائوینی ویرانـه
سیزی بیر اوزگه آدیله بیزه تانتدوردی
فریب وئردی بیزی سالدی بیله خسرانـه
بوسوزلری ائشیدوب فاطمـه قیزی زینب
دوباره قلبی یـانوب دوندی یـاشی قانـه
دولی گوزیله باخوب شامـیانـه دل بیتاب
یـانایـانا ایلدی اهل شامـه بیله خطاب
بوشامـیدن گئدروخ شامـیان ائویز آباد
بو یردن آیریلوروخ باغریقان ائویز آباد
بو سیز بو شام سیـه روی بیز خداحافظ
گونوز قرا اولا سفیـایـانیـان ائویز آباد
پیمبر عترتینـه یـاخشی ایلدوز حرمت
عجیبه عاطفه وئردوز نشان ائویز آباد
اسیر ائدوب قولی باغلی بیزی قوناق گئتدوز
قوناقه اولدوزعجب مـیزبان ائویز آباد
بیزه شماتتیله دل یـاراسی چوخ وئردوز
گلوب یولا سالسوز باغریقان ائویز آباد
گچنده کوچه لروزدن بیز داشا باسدوز
نـهانی کینـه زی ائتدوز عیـان ائویز آباد
بلالی باشیمـیزه بام لردن اوت یـاغدی
اولوب سیزون الوز آتشفشان ائویز آباد
همای اوج شرف عایدون ایچون وئردوز
حضیض فقرده سیز آشیـان ائویز آباد
پیمبر اوغلونا سیز خارجی آدی قویدوز
خدنگ تهمته ائتدوز نشان ائویز آباد
بیز آغلادوخ بیزه سیز گولدوز ائتدوز استهزا
او گولماقیز بیزه گلدی گران ائویز آباد
اوتانمادوز آجی دلّلریله سیز وردوز
یـارالی دل لره زخم زبان ائویز آباد
بو قافله دئمدوز مصطفا عزیزیدیلر
بیزه خرابه ده وئر دوز مکان ائویز آباد
بیر اوچ یـاشیندا قیزی بوردا غصّه مرگ ائله دوز
خرابه یرده بالام وئردی جان ائویز آباد
مدینـه یوسفینین قانلی کوینگون وئردوز
مدینیـه آپارام ارمغان ائویز آباد
بو شـه گئدیروخ بیر سفارشیم واردی
اونی قبول ایلیون شامـیان ائویز آباد
منیم خرابه ده بیر نازلی سوگلیم قالوری
چخاتمـیون بیز یـاددان بیر آن ائویز آباد.
قطار عشق گئدور لیک او قیز قالور یـالقیز
وئرون خرابیـه باش هر زمان ائویز آباد
بو شـهریده بو قیزون ئیل قبیله سی یوخدی
اولون بو ائلسیزه سیز مـهربان ائویز آباد
محبّت اوسته اولوبدور محبّت عاشقی دور
ائدون محبت اولون دلستان ائویز آباد
گئدور بو قافله یوخ قبری اوسته آغلیـانی
توکون مزارینـه اشگ روان ائویز آباد
سنقدی قلبی سیز الله دان اوتری گوگلون آلون
جزا وئره سیزه حق بی گمان ائویز آباد
گوزل مزارینین اوستونده شمع روشن ائدون
سپون گلاب اولون عنبر فشان ائویز آباد
نـه دردوز اولسا اولار بو قیزون الیله دوا
گلون زیـارته پیر و جوان ائویز آباد
بو اوچ یـاشیندا حسین نوحه خوانینـه تائب
اولون حقیقتیله نوحه خوان ائویز آباد
شاعر : مرحوم تائب
*******************
احوالات راه شام
او گوزل گوزیله بیر باخ بیزه گاه گاه قارداش
که سنق دله صفادور او گوزل نگاه قارداش
بو بلالی کاروانین گوگل اضطرابی چوخدور
هاموسی شکسته دلدور اورک التهابی چوخدور
بو سنق اورکلری آل، بولوسن ثوابی چوخدور
که اولار سنق اورکده یـارادان اله قارداش
گور اسیر ایدوبدی دشمن نجه آل بوترابی
اُپوری نجه یدا... دانلود نوحه سنسیز الورم یالان یالان سید الینی جفا طنابی
قولی باغلی خسته دلده یوخودی قرار و تابی
بالاوی سالوب ایـاقدان ستم سپاه قارداش
او شکسته دلدی لطف ایت او سنق دله صاف ویر
هامـی اهل کائناته خط شیوه ی وفا ویر
اونا باخ محبّتیله او مریضیوه شِفا ویر
که مرض توان و تابین ایلیوب تباه قارداش
بیزه رافتون آزالموش سنون ای روان رافت
او گوزل گوزیله گه گه باخوب ایتموسن محبّت
گوزیمون و یـاوبدور قاباقین سرشک حسرت
گوره بولمورم جمالون واریم اشتباه قارداش
او وفا کـه شرحی چوخدور او وفا کتابی سنسن
فلک محبّتین هم ایشیق آفتابی سنسن
دل شبده کاروانین همـی ماهتابی سنسن
باشیم اوسته گون گونوزده، گجه وقتی ماه قارداش
بیله روبهان شامـی سانوری کـه دستگیرم
بونی بولموری کـه شیرِ حق آتامدی، منده شیرم
منی اسیر ایدنمز سنون عشقیوه اسیرم
آپارار منی هایـاندا قورا خیمـه گاه قارداش
بولورم محبّت اهلی یـارالی دوشر بلایـه
او دوزر محبّت اوسته هامـی رنج و ابتلایـه
دوزرم سنون یولوندا اودی منده هر بلایـه
اولی کوه کوه غملر نظریمده کاه قارداش
من او عاشقم کـه واردور سنون عشقیوه نیـازیم
سن او روح عشقسن کـه سنـه عشقیدور ملازم
بو جهان محبّت اولسا آدون اولماسا نـه لازم
که وفا و مـهر سنسیز اولی روسیـاه قارداش
ره عشقیده دایـانّام غم اگرچه ایللر اولسون
یورولوب دایـانمارام من یول اگر اوزاق تر اولسون
بیله شرطیله کـه باشون بو یول اوسته رهبر اولسون
منـه خوش گلر نـه قدری اولا رنج راه قارداش
ندی عالم محبّت او اودیله یـانماسام من
ندی معنی محبّت غمـی سهل سانماسام من
قولی باغلی گر دالنجا باشیوین دولانماسام من
یـازولار وفا خطینده آدیما گناه قارداش
منی ترک ایدوب گیدندن داخی قیدیمـه قالان یوخ
منی سن سالالی گوزدن داخی یـادینـه سالان یوخ
غمـیله دولوبدی قلبیم، غم و دردیمـی آلان یوخ
اودی چاره سیز آپارّام غمـیمـه پناه قارداش
فلکه نوا گیدنده او نوالی نینوادن
خیم اود دوتوب یـاناندا او گون آتش جفادن
آلوب اود یـانان اورکلر او لهیبِ کربلادن
اودی اود توکور چکنده بالا قیزلار آه قارداش
او وفالیسان وفانین اوزی سنده دور یـارالی
او صفالیسان صفانین سوزی سنده دور یـارالی
بو وفالی کاروانین گوزی سنده دور یـاارلی
گوزیوی گوتورمـه احسان ایله گاه گاه قارداش
او وفالیم وفانین یولون ای وفالی بولّم
دیمـه من بو لوح دلدن رقم وفالی سیلّم
دوشرم باشون دالنجا گیده هر دیـاره گلّم
اولونا ولو خرابه منـه خوابگاه قارداش
بو دوگولماقی ویروبدور منـه درس ازلده زهرا
ره دینیده دوگولماق منـه چوخ گلور گوارا
بیله ادّعایـه اثبات اوز الیمده وار مـهیّا
بو کبود پیکریمدور سوزیمـه گواه قارداش
سنـه فخردور مرامون، سنـه فخردور شـهادت
بو عظیم نـهضتونده منـه فخردور اسارت
منـه بسدی بیله عزّت، سنـه بسدی بو جلالت
تاپوب هانسی باجی قارداش بیله عزّ و جاه قارداش
او گوزل محاسنوندن گذر صبا دوشنده
گوتورور اوزیله باهم گوزل عطریوی گیدنده
سپر عنبر حسینی هامـی دشت و هر دمنده
آلوری او عط جان هامـی گل گیـاه قارداش
سوزی «تائبا» یـازاندا یـازاسان حقیقتیله
اوز آقان باخار یقیناً سنـه چوخ عنایتیله
گینـه یـاز، بیله بویورموش خانمـیم فصاحتیله
او گوزل گوزیله بیر باخ بیزه گاه گاه قارداش
شاعر : مرحوم تائب
***********************
احوالات کوفه
اهل کوفه اهل دین دینینده غفلت ایلمز
حقّی دانماز، حکم قرآنـه خیـانت ایلمز
اهل دین چخماز امور دینیده اندازه دن
پیکر مجروح دینـه یـاره وورماز تازه دن
اهل قرآن اهل قرآنی ایدوب شیرازه دن
دم ووروب قرآنیدن هر یرده صحبت ایلمز
سو یـانندا اهل دین یخماز مسلمانی سوسوز
ایلمز خاموش مطلق نور ایمانی سوسوز
سو یـانیندا اُلدوروب معنای قرآنی سوسوز
دینی ساتماز خیمـه ی قرآنی غارت ایلمز
اهل دین اعراض ایدر اشرار بدفرجامـیدن
مطلقاً ایلر برائت لفظ استسلامـیدن
اهل قرآن یوز چویورمز صاحب اسلامـیدن
دشمنی قرآنـه عالمده حمایت ایلمز
اهل دین پابند اولار اسلام حدّ و حصرینـه
وقف ایدر اعمالیله جانین امامـین نصرینـه
اهل قرآن ایلمز طغیـان امام عصرینـه
عترتین وابسته ی قید اسارت ایلمز
اهل کوفه سیز داخی کفروزده طغیـان ایتمـیسوز
دانمـیسوز اوز دینوزی انکار قرآن ایتمـیسوز
تشنـهپیغمبر اوغلون قانـه غلطان ایتمـیسوز
ایتمـیسوز بیر ظلم کـه هیچ بیر جماعت ایلمز
اهل دین آلماز قولاقه غیر قرآن قال و قیل
سالماز عرش اعظمـه قتل امامـیله عویل
ظلم الیله ایلیوب پیغمبرین اوغلون قتیل
اهل بیتین وحشته سالماز جسارت ایلمز
ادّعای دین ایدن ویرمز مسلمانـه فشار
دینـه بیگانـه اولوب ایتمز اوزون اغیـاره یـار
اوز امامـین ایلیوب اوز خانمانیندن کنار
چوللره سالماز، دچار رنج و زحمت ایلمز
تابع قرآن اولان دینین بولر، آزماز سوزون
وقف ایدر احیـای دین اوسته گِجِیله گوندوزون
اهل قرآن حکم قرآنـه بولر محکوم اوزون
اوزگه بیر فرمانـه تن ویرمز اطاعت ایلمز
سیز اولارسوز پیکر اسلامـه اوخ چوخ وورموسوز
نـه بیر اوخ، نـه اون، نـه یوز، حدّیندن آرتوخ وورموسوز
سودامر حلقیندن اوچ شعبه سولی اوخ وورموسوز
کوفیـان، هیچ سنگدل بیله شقاوت ایلمز
سیز تک اوزگه مـیزبان بیله قوناقی یوخلاماز
سیندیروب عهد آز زماندا دلده دردین چوخلاماز
مـیهمانین اللری اوسته بالاسین اوخلاماز
سیز کیمـی اوزگه بیله بیر امره سبقت ایلمز
امّت اسلام وورماز پیکر اسلامـه تیر
پیشوای دینی یخماز توپراق اوسته سر بـه زیر
اهل قرآن اوز امامـین ایلمز هرگز اسیر
بوینونا زنجیر وورماز هتک حرمت ایلمز
سیز اولارسوز دللره چوخ داغ حسرت وورموسوز
روح زهرا اُلدوروب طبل بشارت وورموسوز
گردن بیماره زنجیر عداوت وورموسوز
سیز کیمـی بیماره هیچ ملّت اذیّت ایلمز
سیز او گون بیت الحرام اهلین اذیّت ایتمـیسوز
آت دوشونده قوموسوز، چولده گریزان ایتمـیسوز
یخمـیسوز چوخ خانمانلار خیمـه تالان ایتمـیسوز
هیچ بیر امّت سیز کیمـی دینـه خیـانت ایلمز
کربلاده ال آچوب راه فراتی باغلیسوز
سولدوروب زهرا گلین، قلب بتولی داغلیسوز
بیزلره ایمدی باخورسوز رقّتیله آغلیسوز
بیر ایله طغیـانـه جبران اشک حسرت ایلمز
سیز اولارسوز صاحب نصّ جلی اُلدورموسوز
اهل معنای کتاب منزلی اُلدورموسوز
روح پیغمبر حسین ابن علی اُلدورموسوز
سیزلره محشرده پیغمبر شفاعت ایلمز
کوفیـان، مشمول لعن ملّت آینده سوز
دانمـیسوز اللهوزی ، عبد ذلیله بنده سوز
ای سرافکنده جماعت، حشره تک شرمنده سوز
آغلیون، بو آغلاماقلار رفع خجلت ایلمز
حقّی تاپماق بی هدف دل داغلاماقدان یـاخشیدور
حق دانیشماق مُهر ایدوب دل باغلاماقدان یـاخشیدور
دولت جبّاری یخماق آغلاماقدان یـاخشیدور
اشک باطل ذرّه جه حقّه اعانت ایلمز
بو هدفسیز آغلاماق آشفته ایلر حالوزی
ایلیون نـهضت آلون اوز گیتمـیش استقلالوزی
تا ایده تامـین او استقلال استقبالوزی
چاتماز استقلاله هر ملّت کـه نـهضت ایلمز
تائبین وار الفتی افکار شورانگیزیله
دائماً نوحه یـازار تبیـان آتش ریزیله
دولدورار اوز دفترین اشعار نـهضت خیزیله
مردمـی بیدار ایدر مشمول غفلت ایلمز
شاعر : مرحوم تائب
******************************
ورود بـه کربلا
ای بلالی زینب، حاضر اول بلایـه
قافله‌م یتیشدی، دشتِ کربلایـه
بوردا امتحان وئرر‌م
دین یولوندا جان وئرر‌م
ای بلالی زینب
بو منایِ عشقین، وار گوزل صفاسی
یتمـیشـه یـاخین وار، مـه لقا فداسی
باشلاریندا واردور، دینِ حق هواسی
بوردا جوش ایدر قانلار
قان ایچرله قربانلار
ای بلالی زینب
عهد آلیبدی مندن، ذاتِ پاکِ جانان
جانیمـی ائد‌م بو، دینِ حقّه قربان
قویمارام کـه نُقصان، تاپسین عهد و پیما
من وارام سوزوم اوسته
هر بلا گوزوم اوسته
ای بلالی زینب
دیندی گلسِتانین، غملی باغبانی
دوزمرم گورنده، آفتِ خزانی
قویمارام کی سولسون، بیله گولسِتانی
سو یرینـه قان وئرر‌م
باغِ دینـه جان وئرر‌م
ای بلالی زینب
گوللریم بو چولده، تشنـه سولسا سولسون
قانلا باغبانین، چشمـی دولسا دولسون
گر خزان بو عمروم، باغی اولسا اولسون
باغِ دین بهار اولسون
حکمـی پایدار اولسون
ای بلالی زینب
واردی بیر ائلیم باش فکرینی آتالّار
قانـه دین یولوندا، تشنـهباتالّار
توپراقا بو چولده، قانلارین قاتالّار
لاله رنگ اولار بو یر
شوریله دولار بو یر
ای بلالی زینب
اکبریم دوشر گول جسمـیده یـاراسی
کربلانی چولقار، عطرِ دلرُباسی
نعشی اوسته اوخشار، شوریله آناسی
آه و زار ائد‌ر لیلا
چوللره دوشر لیلا
ای بلالی زینب
قاسمِ جوان بو، مـین قراری
یعنی مجتبانین، نازلی یـادگاری
جان وئرر بدنده، زخمِ بی‌شماری
آغلادار منی آغلار
اودلو سینَمـی داغلار
ای بلالی زینب
قارداشیم ابالفضل، گورسَدَر وفاسین
توپراقا سالالّار، قامتِ رساسین
آرتیرار کنارِ علقمـین صفاسین
باغِ عشق اولار علقم
عطریله دولار علقم
ای بلالی زینب
من ئوزوم ییخیلّام، دلده سوز و سازیم
سو یـانیندا قاندیر، آبِ دستمازیم
قانلی قتلگهده، واردی بیر نمازیم
ئوللم اول نماز اوسته
عشقِ بی‌نیـاز اوسته
ای بلالی زینب
شاعر : مرحوم تائب
**************************
ورود بـه کربلا
سرزمـین کربلا وادیّ ایمندور باجی
جلوه گاه نور وجه حیّ ذوالمندور باجی
محترم یردور بو یر دارالصّفای عشقدور
اهل عشق آنلار بو یر کرب و بلای عشقدور
من خلیل عشق، بو صحرا منای عشقدور
قان شَمـیمـی بو سوزه برهان مُتقَندور باجی
دولدوروب دشت عراقی باشداکی شوریم منیم
من کلیم ا... دانلود نوحه سنسیز الورم یالان یالان سید عشقم، کربلا طوریم منیم
دلده اَرنی، جلوه ی جاناندی منظوریم منیم
جلوه گر بوردا ح نور ذوالمندور باجی
بو بیـابان بلانین بیر بیوک غوغاسی وار
آل طاهانین بو یرده محشر کبراسی وار
زینبیم بوردا حسینین یوم عاشوراسی وار
قانیمـه باتماقلیقا بو یر معیّندور باجی
اوزگه بیر مقصودیله بو سرزمـینـه گلمـیشم
ایتماقا حائل خدنگ کفره گلمـیشم
باش و جانیمدن گیچوب ترویج دینـه گلمـیشم
دین اسلامـین رواجی بوردا منلندور باجی
عالم ارواحیده نشر اولدی طومار غمـیم
شُقّه آچدی باشیم اوستونده بلایـا پرچمـیم
هر مصیبتده باجی سنسن شریک اعظمـیم
عهدیمون نقصانینون تکمـیلی سنلندور باجی
ای باجی اوّلده من عهد ایتموشم جانانیله
گلشن اسلام و قرآنـه ویرم سو قانیله
گلمـیشم بو دشته یتمـیش بیر نفر قربانیله
کعبه ی مقصود بو وادیّ ایمندور باجی
باده ی عشقیله جام دل ایله سرشاردی
که وجودیم موبمو مشتاق وصل یـاردی
بیر بیـابان شاهراه محفل دلداردی
بوردا شمع جلوه ی دیدار روشندور باجی
بو همان یردور آتام جدّیم ویروب باجی خبر
بوردا مظلوم ایلر آل اللهی اشرار کَفَر
ایستر ایتسون ظلمـینی اشرار کینـه مُستتر
لیک مظلومـیّتیم گون تک مبیّندور باجی
دشمنیم مظلوم ایدر بو چولده آل هاشمـی
اُلدوره لّر بیر بـه بیر یتمـیش نفر یولداشیمـی
خاک و خون ایچره یخالّار اوغلومـی قارداشیمـی
کربلا یتمـیش ایکی قربانـه مدفندور باجی
اکبری باشدان قلجلار ایله قوم بدسیَر
قان آخوب باشدان، یوزینده شَدّه ی مرجان دوزر
قرمزی قانیله صحرای بلانی خوش بزر
باخسا هر کیمسه دیر بیر طرفه گلشندور باجی
قاسمـی آتدان یخار ظلمـیله قوم اشقیـا
اکبریم تک دینـه ایلر تشنـهجانین فدا
امّ لیلایـه اولار آغلار آناسی همصدا
ویرسه سس اوغلی اُلن ثَکلایـه احسندور باجی
بوردا عبّاسین ایده لّر چاک چاک اعضاسینی
قان ایدر لبریز جام دیده ی شـهلاسینی
سو کنارینده یخالّار قدّ سرو آساسینی
اوندا بولّم ظاهراً فاتح بو دشمندور باجی
اصغریم سوز عطشدن غنچه ی گل تک سولار
هولدن اوچ شعبه لی پیکانِ ظلمـه رام اولار
اوخلانار حلقی، قزل قانیله قونداقی دولار
محفل جانان او قانیله مزیّندور باجی
خاک و خون ایچره یخار دشمن بو پابند غمـی
کشف ایدر هر یـاره جسمـیمده رموز مُبهمـی
خوش بزر اوخلار منیم سانسیز یـارالی سینمـی
گل وجودیم تیرِ ظلمِ خصمـه مخزندور باجی
بیر زیـارتگاه اولار بو سرزمـین پرمحن
ایسترم منده گلر بو تائب شیرین سخن
ذکر ایدر بو شاه بیتی دوره سینده زن
سرزمـین کربلا وادیّ ایمندور باجی
شاعر : مرحوم تائب
*********************
مجلس ابن زیـاد ملعون
جفا پیکانلارین قویما کمانـه یـابن مرجانـه
یـارالی دللری ایتمـه نشانـه یـابن مرجانـه
گتورمـه توسن کفرون بیله مـیدان جولانـه
غروریله شماتت ایلمـه چوخ اهل ایمانـه
بو قدری دل یـاراسی وورما قلب آل عمرانـه
قان اولموش دللری دوندرمـه قانـه یـابن مرجانـه
حیـا قیل بیر بیله شرم و حیـا بنیـانینی یخما
فشاره سالما آل بوترابی بیر بیله سخما
سسون، آز دانش، گفتاریده اندازه دن چخما
گتورمـه چوخ یـالان سوزلر بیـانـه یـابن مرجانـه
اوزون آزما، غروریله دولاندورما گوزون گوزله
هوای نفسیله بیخود دانیشما، اوز سوزون گوزله
بیله چخما اوزوندن، هوشـه گل ظالم اوزون گوزله
جهنّم تک بیله چکمـه زبانـه یـابن مرجانـه
ازل باخ گور طرف کیمدور اولان ای منکر مذهب
صورا طعن و شماتت قیل شروع ایله صورا مطلب
آتامدور نفس پیغمبر، منم زهرا قیزی زینب
منم مرضیّه زهرادن نشانـه یـابن مرجانـه
بیزوخ اوّل اولوب آب و گلیمـیز نوریله تخمـیر
گلوبدور حقّیمـیزده سوی حقدن آیـه ی تطهیر
بیزوخ بو آیـه ی تطهیر اوچون معنا، بیزوخ تفسیر
بیزوخ مشمول هر عالی معانـه یـابن مرجانـه
بیزوخ روح ولایت، بیزده انوار ولایت وار
بیزوخ معنای عفّت، بیزده عفّت وار نجابت وار
جنایت اهلی سیزسوز، طینتاً سیزده خباثت وار
سیزی یـاخشی تانور اهل زمانـه یـابن مرجانـه
بیزوخ کـه جدّیمـیز محبوب ذات حیّ اکرمدور
اونیله فخر قیلّوخ، مفخر اولاد آدمدور
بیزوخ آدم باشیندا سایـه مـیز تاج مکرّمدور
یتر روزی بیزیله انس و جانـه یـابن مرجانـه
بیزوخ آزاد ایدن خلقی، ووران بند و رسن سیزسوز
بیزوخ روزی رسان ماسِوا، روزین سیزسوز
بیزوخ عبد خدای ذوالمنن، عبد وَثَن سیزسوز
بیزیله دور ایدر دور زمانـه یـابن مرجانـه
حسینیم حقّیدی، حق سوز دیدی، حقّه طرف گیتدی
مجازه اگمدی باش، باحقیقت باهدف گیتدی
قزل قانیله قویدی باشینـه تاج شرف گیتدی
ویروب درس شرف اهل جهانـه یـابن مرجانـه
ولی سن عنصر ناپاکسن مـیشوم طینت سن
نـهادوندا خباثت واردی، بیر تخم خباثت سن
سراپا شرّسن، روح شقاوتسن جنایتسن
توکوبسن چوخلی قانلار جابرانـه یـابن مرجانـه
ایله بی شرم سن فکر ایتموسن کیملر اسیروندور
اسیرون رهروان حقدی، باطل اوز مسیروندور
خبیث و فاسق و فاجر اوزونسن هم امـیروندور
اولوبسان منتسب سفیـانیـانـه یـابن مرجانـه
سن ای روبه صفت فکر ایتمـه قول باغلی اسیرم من
ائلیم یوخ طایفم یوخ دلشکسته دستگیرم من
آتام شیرخدادور شیرزن بیر ماده شیرم من
اولار شیرین بالاسی شیر یـا نـه یـابن مرجانـه
بیله سانما اسیرم من، بیله قولدا رسن گلدیم
حسینین عشقینـه اولدوم اسیر مُرتَهَن گلدیم
حسینیم باشیله گوردوم گلور بو بزمـه من گلدیم
گیدر زینب حسین گیتسه هایـانـه یـابن مرجانـه
اسیر عشق اولدوم، امتحاندان چخماقا گلدیم
سنون روح کثیفون قدرتیمله سخماقا گلدیم
جنایتخانـه وی اوز باشیوه من یخماقا گلدیم
گرک ویران اولا هر ظلمخانـه یـابن مرجانـه
سن اُلدوردون حسینی، هندین اوغلی کامگار اولسون
پوزولسون رونق اسلام، اسلام اهلی خوار اولسون
حسینیم گیچدی جاندان دین و قرآن پایدار اولسون
هم استقلال آلا اسلامـیانـه یـابن مرجانـه
حیـا قیل بیحیـا تشکیل ظلمـی قورما بیر بیله
جفا بسدی، ستمله عالمـی دولدورما بیر بیله
فناریله حسینین لبلریندن وورما بیر بیله
دگل ضربت سزا غنچه دهانـه یـابن مرجانـه
بابامـیز حضرت طاها اُپوب بو گل دوداقلاردان
آتامـیز عالمـه مولا اُپوب بو گل دوداقلاردان
آنامـیز حضرت زهرا اُپوب بو گل دوداقلاردان
اوتانمورسان وورورسان تازیـانـه یـابن مرجانـه
بولورسن هیچ توکوبسن سن کیمـین ای بیحیـا قانین
توکوسن سو یـانیندا تشنـه شاه کربلا قانین
نـه شاه کربلا بلکه توکوبسن مصطفی قانین
چتیندور خونبها بیر ایله قانـه یـابن مرجانـه
نـه اندازه سنی سرمست ایدوبدور باده ی دنیـا
عزای دیندور، جشن عمومـی ایتموسن برپا
چالور رجّاله لر اوینور سالوبلار مجلسه غوغا
ندور بانگ نی و چنگ و چغانـه یـابن مرجانـه
ایشیتدی بو بیـاناتی خانیمدان ابن مرجانـه
یریندن دوردی ایتدی حمله دخت شیریزدانـه
خانمدا دوردی، حمله ایتدی بی پروا دلیرانـه
دیدی ساکت اول ای شوم زمانـه یـابن مرجانـه
حسینیمدن صورا مـین ایل هر آنِ عمری بولّم من
اودور هر گونده مـین یول برملا اُلّم دیریلّم من
آخار گیزلینجه اشکیم، خوردا قیزلار باخسا سیلّم من
مبادا غم ییـه بیر نازدانـه یـابن مرجانـه
بیله ننگین حیـاتی هر بد و نیکی سیچن نیلر
کفن بیر گونده یتدی نازلی قارداشـه بیچن نیل
اُلومدن قوخماقی دین اوسته جانیندن گیچن نیلر
جانیمدان گیچموشم منّتدی جانـه یـابن مرجانـه
حُرِیث اوغلی دیدی ابن زیـاده بو نـه عالمدور
گورورسن بیر خانم کـه دردی وار پیچیده ی غمدور
گیدوب قارداشلاری الدن غریق اشک ماتمدور
ندور رفتارِ بس نابخردانـه یـابن مرجانـه
اونی سن قصد ایدنده بووک باش زینبه باخدی
اریتدی قلبیمـی حسرت باخیشدا، یـاندیروب باخدی
او زیبا گوزلریندن قانـه باتموش گوزیـاشی آخدی
دوزوب سیم اوسته گوهر دانـه دانـه یـابن مرجانـه
او حسرتلی باخیش مـیزاندور بیر رمز رافتدن
حکایت ایلوری قارداش باجیلیقدا محبّتدن
گوتور ال نچّه قارداشی اُلن بیر یـاسلی عورتدن
تغیّر ایتمـه قارداشسیز قالانـه یـابن مرجانـه
اونی درد آغلادور، دردین اورکده ایلمـه تجدید
بو زینبدور، وقار فاطمـی وار بوندا بی تردید
اُلومله ایلمزله قارداشی اُلموشلری تهدید
جسارت ایلمـه بو باغری قانـه یـابن مرجانـه
دوتوب دوتقون آیین اطرافینی گوزیـاشیلی اولدوزلار
دگوبدور بیربیره آغلار، گلور داده اوغولسوزلار
دوتوب دامانینی واعمّتا سسلر خانم قیزلار
چخوب ناله صداسی آسمانـه یـابن مرجانـه
ندور داغ عزیزان بولمـه سن ظالم بولر زینب
او داغ حسرت افزانی نجه دلدن سیلر زینب
نـه لازم زینب اُلدورماق، بو دردیله اُلر زینب
حسینسیز ایلمز رغبت جهانـه یـابن مرجانـه
حُرِیث اوغلی نصیحت ایلدی گرچه او بی عاره
یوخیدی قابلیّت گوش جان ویرسون او گفتاره
خباثت آرتیروب اوندا ولیکن نفس امّاره
دیدی قان توک بویـا دنیـانی قانـه یـابن مرجانـه
اله فرصت سالوبسان خاصّ و عام اُلدور اوزون ساخلا
اوتانما ذرّه جه پیر و غلام اُلدور اوزون ساخلا
دی ظاهرده مسلمانم امام اُلدور اوزون ساخلا
باشارسان ضربه وور اسلامـیانـه یـابن مرجانـه
جهانـه (تائبا) گلمز حسین تک مردِ راد اوغلی
حسیندور روح زهرا، شیر حقّین شیرزاد اوغلی
حسین یوخدور، گر اولسا سسلنر مـینلر زیـاداوغلی
ولو بیر مرتبه گلسه زبانـه یـابن مرجانـه
شاعر : مرحوم تائب
***********************
حضرت امام زمان (عج)
گنـه شوره گلن باشیم هوای وصل یـار ایلر
هوای وصل یـاریله ئوزین غمدن کنار ایلر
سروش وحدتیمدن گوش هوشـه بو ندا گَلدی
که یزدان نیمـه شعباندا لطفین آشکار ائیلر
اولار فجر رجا جیب افقدن برملا ظاهر
هامـی نومـید دن یأسی آلار امّیدوار ائیلر
که یعنی حجّت ابن العسگری صاحب زمان مـهدی
بو دنیـایـه گلن گوندور بو گفتارین کرار ایلر
او بیرمولود دور سامّره ده گلدی بو دنیـایـه
اونون نوریله سامرّا جهانی نوربار ایلر
آتاسی بومحمّددور آناسی حضرت نرگس
باباسی احمد مرسَل اوختم هشت و چار ایلر
اصولاً شاخه گلدن وئرر باش هرگل نرگس
بو گل دین نرگسیندن ئوز جمالین آشکار ایلر
همـیشـه جانب شـهدن مُبَرهَندور گلر عسکر
و لیکن عسک جلوه ، بو شاه کبار ایلر
یـاشارحاضرده سکّیز ایل آتاییله آناییله
آتاسیدان صورا دنیـاده غیبت اختیـار ایلر
گَزَرمـین حسرتیله پرده غیبتده مـین لر ایل
باخار هی ذوالفقاره گوزیـاشین گوزدن نثارایلر
وئرر صیقل مُداوِم ذوالفقارِ تیز و برّانـه
باخار آغلار گوزیله کربلایـه آه وزار ایلر
دییَرقالدی الهی یئرده آخر جدّیمـین قانی
منی بو ماجرای غمفزا چوخ بیقرار ایلر
توکر گوزیـاشینی حقدن ظهورین دمبدم ایستر
او قانی آلماقا چوخ آرزو اول شـهریـار ایلر
الهی وئر اجازه حضرت صاحب زمان گلسون
جهان ناامن دورجان جهان روح اَمان گلسون
یوزین ای طلعت دین ابر غیبتدن کنار ایله
دوتوب ظلمت جهانی نوریویله نور بار ایله
اوقدری قالمری دین باغینـه باد خزان اسسین
گل ای دین صاحبی دین گلستانین نو بهار ایله
اورکلر قانـه دوندی گلدی بدعت بدعت اوستوندن
یئتیش امداده بو بدعتلری گل تار و مار ایله
یـاتوبدور امّت قرآن قالوبدور خواب غفلتده
بو قرآن اهلینی هوشـه گتور بیر هوشیـار ایله
یولوندا منتظردور شیعه لر چوخ انتظاریله
ئوزون ای مُنتَظرگل اختتام انتظار ایله
جهالت قدرتی ائیلر حکومت سطح دنیـاده
ئوزون گل یر یوزین ده گوهر دانش نثار ایله
اجانب دائماً قرآنیـانی خوار و زار ایستر
ئوزون گل مسلمـینی خوارائدن اشخاصی خوار ایله
تَجَمُّل آرتوب از بس آلدی دللردن تجلاّنی
تجلّی بخش عالم گل تجلّی آشکار ایله
هره بیر یول دوتوبدور ظالمانـه عدل فرض ائیلر
بیله ظالم لری ئولدور جحیمـه رهسپار ایله
فسادیله دولوبدور یئریوزی یـاغیره الرَّحمن
فسادی یئر یوزوندن یغ صلاحی استوار ایله
عدالت یوخدی دولورموش جنایت سطح دنیـانی
گل ای شاه عدالت جو عدالت بَرقرار ایله
شماتتدن یـانوب تاکی اورکلر زخمدار اولسون
ئوزون لطفاً مداوای قلوب زخمدار ایله
اولوب دینی مجالس خالی امّا فسق ائوی مَملوّ
جماعت چخدی یولدان یولاری گل راهوار ایله
چخوب بیرعدّه تحریف ایلیور احکام قرآنی
او قومـی ط شمشیر تیز و آبدار ایله
گوزی یولدا نقدر آغلار گوزیله شیعه لر یـانسون
الونله پاک خونین اشگ چشمِ اشگبار ایله
دوزاق که تا کی شـهیدان وفا قانی قالا یئرده
گل آل بوقانلاری اعدانی تیره روزگار ایله
حقیقی مُنْتَقم گل آل ئوزون ئوزجدّیوین قانین
دل مجروح زهرا دن بیر آزر شرار ایله
ئوزون آماده ایله ( تائبا ) بیر پاک قلبیله
ولیعصر آدینی اوندان صورا دلده شعار ایله
شعار پوچ بی علم وعمل هرگز ثمر وئرمز
معاصیدن اوزاق دوش ئوز ئوزین پرهیز کار ایله
گلنده حضرت صاحب زمانون شرمسار اولما
آچیق آنیلّه سن درک حضور شـهریـار ایله
شاعر : مرحوم تائب
**************************
زبانحال حضرت رقیـه (سلام الله)
یـانا یـانا او زمان اذن ویردی گوزیـاشنا
خطاب ایدوب بو دلیله آتاسینون باشنا
نـه ظلم ایدوب بابا گور سنگدل سپاه منـه
که روز روشن اولوب لیله ی سیـاه منـه
آلوبلا معجر گلدوزیمـی جفائیله
آچاندا غارت الین قوم دین تباه منـه
گورنده ظلمـیله گلدوز معجریم آلینوب
ویروبدی قمچی ووران معجر سیـاه منـه
ایدوبله ناقه ی عریـانـه گه سوار منی
اولوبدی توشـه ی ره یولدا رنج راه منـه
ووروب یخوبلا گهی چولده قالموشام یـالقوز
تاپولمـیوب اولا بیر کیمسه دادخواه منـه
ایـاق یـالین دولانوب چولده دوشموشم دلسیز
کنار خار مغیلان اولوب پناه منـه
قابار ایـاقلاریمون قانی، قانلی گوزیـاشیم
نشان ویروبدی عیـان قانلی بیر مـیاه منـه
دولانموشام چولی چوخ صاق قولا، سیزیلداموشام
ویروب صدا او سیزیلتیمدا گل گیـاه منـه
نـه قدر آغلاموشام من سیزیلدیوب ایـاقیم
گوزوم یـاشی ایـاقیم قانیدور گواه منـه
گل جمالیم ایله کهربا کیمـی سارالوب
که رشک ایدر یوزومـی گورسه رنگ کاه منـه
بویور خانم بیبیمـه سالماسون منی گوزدن
نظارت ایلسون اول فاطمـی نگاه منـه
بیر آن غفلت ایده گر خانم بیبیم مندن
آچار جسارت الین سنگدل سپاه منـه
یقین وورولّار او قدر اُلدورولّه یولدا منی
ترحّم ایلمز اشرار کینـه خواه منـه
نـه قدر دردیم اولا ده گینـه آزالار
او قانلی گوزلر اگر باخسا گاه گاه منـه
محبّتون آزالوبدور نـه قدر یـالوارورام
آچوب رئوف گوزون ایتموسن نگاه منـه
گوزومـی اشک دوتوب یـا منیم گوزوم گورمور
بولنمورم ویروب اوز حال اشتباه منـه
باشون فداسی ندن یوز گوزون کوله بلشوب
باخاندا آرتوروری دلده سوز آه منـه
وفا سپهرینـه بیر اولدوزام، یـارالی باشون
گونوز گونومدی قرانلوق گجمده ماه منـه
اُلونجه بو یـارالی باشدان آیریلان دگولم
ولو خرابه ی شام اولسا خوابگاه منـه
پیـاده یول گیدرم بیر دقیقه اینجیمرم
به شرط رهبر اولا یولدا راس شاه منـه
گورن بو حالیمـی ذلّتده بولسه قوی بولسون
بو خطّ سیریده وار عمده عزّ و جاه منـه
یـازاندا بو سوزی «تائب» تشکّریله دیدی
بو خوش بیـانی ویروب مقتدر اله منـه
شاعر : مرحوم تائب
************************
زبانحال حضرت مسلم ابن عقیل (علیـه السلام)
ئولدورللر اهل کوفه مـیهمانی یـاحسین
گلمـه آغلار قویما آل مصطفانی یـاحسین
نامـه ده گرچه پیمبر اوغلی یـازدیم من ازل
اهل کوفه ایلدی بیعت منـه بوشـهره گل
ایندی گلمـه لیک واردور فعلیده ععمل
ئولدوروللر مسلم بی خانمانی یـاحسین
دشمنـهاولموشام هرسمته من یول سالمـیشام
یـاره اوستوندن یـارابو خسته جانـه آلموشام
دادرس یوخ قان توکن جلّاد الینده قالموشام
اولموشام کثرتده وحدت هم زبانی یـاحسین
بیرکسیم یوخ قاتل خونخواردور صاق وصولوم
تیغیمـی الدن آلوبلارقطع اولوب چاره یولوم
آچدیلار جرات الی ظلمـیله باغلاندی قولوم
قوللاریمدا وارعداوت ریسمانی یـاحسین
بیرغریبم نچّه مـین اشرار الینده قالموشام
آشنا یوخدور منـه اغیـار الینده قالموشام
بیرگل پژمرده ام مـین خار الینده قالموشام
ای گل وگلزار دینون باغبانی یـاحسین
یوخ دیین مسلمدی ای اهل ظلام ئولدورمـیون
بیرغریبون قتلینـه ایتمون قیـام ئولدورمـیون
شرمـیسیزلر شرم ایدون نایب امام ئولدورمـیون
قتلیمـی واجب بولور بوقوم جانی یـاحسین
حیف دور شبه پیمبراکبر تازه جوان
روزوشب لیلا قویوب اول نوجوان اوستونده جان
ئولدورللر اکر گلگون قبانی کوفیـان
هجری مجنون ایلر اول مجنون نمانی یـاحسین
گلمـه گلسن سولدوراللار گلشن پیغمبری
تیریله سوددن آچاللار شیره خواره اصغری
سی اوسته قالار بیربابین اللری
دائم آغلار اوخشار اول نجم سهانی یـاحسین
شاعر : مرحوم تائب
************************
کوچ از خرابه شام
یـات گوشـه ویرانـه ده سوگلیم لایلای سوگلیم لایلای
ای فاطمـی گلخانـه ده بلبلوم لایلای بلبلوم لایلای
من گیتدیم سن قالدون
قلبیمـه اود سالدون
ای عندلیب خوش نوا گل بوداقیمده
مـین نازیله ناز ایلین ئوز قوجاقیمده
قالمـیش یـانقلی سوزلرون بو قولاقیمده
یـات بی صدا بو لانـه ده
سوگلوملای سوگلوملای
سن وه بیر روحیدون خسته جانینده
بیر شمع تک سندون حسین دودمانینده
ترک ایلرم لابد سنی غم مکانینده
ای جان تن ویرانـه ده
سوگلوملای سوگلوملای
هرگز رقیـه گچمرم من بوبیر سوزدن
چوخ تئز دونرمـیش گوئیـا بیله یوز یوزدن
سالدون نـه تیز شیرین دلیم وی گوزدن
یـاتدون بو محنت خانـه ده
سوگلوملای سوگلوملای
آیریلماقیم مشکلدی بو غملی مدفندن
آتدون منی دویدون مگر ای قزیم مندن
مندن اگز دویساندا من دویمارام سندن
ناز ائت من نالانـه ده
سوگلوملای سوگلوملای
عمرون بهارینده سنون گلشنون سولدی
تاپدون خزان ویرانسرا دردیله دولدی
آخر کفن اگنونده کی پیرهن اولدی
یـات غمفزا کاشانـه ده
سوگلوملای سوگلوملای
سن بیر ایشیق اولدوز کیمـی شامـیده آخدون
آخدون آخاندا خرداجا قزلارا باخدون
باخدون باخاندا وی یـاندیروب یـاخدون
ای غم یین غمخانـه ده
سوگلوملای سوگلوملای
بیر مشکلون وار قلب پر احتراقیمده
بیر سوز دیردون سن قالوب بو قولاقیمده
سویلردون ای قابار وار ایـاقیمده
یـانام یـانار بیگانـه ده
سوگلوملای سوگلوملای
دائم وطندن سوز سالوب طرز صحبتده
یـاشلی غرق ائتدون ئوزون اشک حسرتده
هامـی گئدر قالدون ولی سن بو غربتده
سوز چوخدی بو افسانـه ده
سوگلوملای سوگلوملای
سن سیز رقیـه من دیمـه شاد اولوب گوللم
ایستکلیسن سن سیز نجه من دوزه بوللم
گئتسم گئنـه سندن ئوتور شامـه من گللم
یول گوزله بو ویرانـه ده
سوگلوملای سوگلوملای
تائب سیزه بیر عمردور واردی وابسته
نوحه یـازار عشقیله ای زار ودل خسته
دعوت ائله گلسون گوزل مدفنون اوسته
عرض ائتسون اول غم خانـه ده
سوگلوملای سوگلوم لای
شاعر : مرحوم تائب
****************************
در مدح حضرت سید الشـهدا امام حسین (علیـه السلام)
مـهرون حسین بو عالم امکانـه ویرمرم
گنج گراندی قیمت ارزانـه ویرمرم
دل جایگاه عشق حسیندور بو دلده من
بر ایسته سه محبّت بیگانـه ویرمرم
ای پاک تربتی منـه مـهر نماز اولان
بو مُهر پاکی ملک سلیمانـه ویرمرم
بو یـاسی کـه سندن اوتور دیده دن آخور
بیر دُرّدور کـه گوهر غلطانـه ویرمرم
بو اشک شوره شربت شیرین جزاده وار
بی جا یره بو اشکیمـی دامانـه ویرمرم
ای سیّد شباب جنان سن یـاتان یری
مـین لر بهشت و روضۀ رضوانـه ویرمرم
عطرون بهشت عطریدی روح بهشت سن
بو عطر پاکی نکهت ریحانـه ویرمرم
ای کربلا صفاسی مزارون صفاسینی
سیر و صفای باغ و گلستانـه ویرمرم
گر باغ کربلانی تاپام نغمـه خوان اولام
هرگز مجال بلبل خوشخوانـه ویرمرم
ایتسن منی قبول قاپوندا گدالیقا
بو افتخاری غزّت سلطانـه ویرمرم
بیر قاره کـه غمونده سنون گیَّم اگنیمـه
من بو قَرانی خلعت الوانـه ویرمرم
مـین لر گله تیر شماتت بو نشئه ده
آلّام بو جانیمـه بیرینی یـانـه ویرمرم
بیر جرعه گر فرات سویوندان ایچم حسین
اول جرعه آبی چشمۀ حیوانـه ویرمرم
عشقون مریض ایدوب منی عشقون طبیب اولوب
بو نبضی دست اوطگه طبیبانـه ویرمرم
دردیم محبّتوندی دواسی محبّتون
بو درد عشقی سایر درمانـه ویرمرم
نام حسین قویوب باشما تاج افتخار
بو امتیلزی افسر شاهانـه ویرمرم
دائم حسیندن اولی عنوان صحبتیم
من بو بیـانی سایر عنوانـه ویرمرم
پایـانـه ویرّم عمریمـی عشق حسینیله
عمریم گیدر بو عشقیمـی پایـانـه ویرمرم
تشریفون اولماسا باشیم اوسته ویرنده جان
آسان بو جانی آند اولا جانانـه ویرمرم
من معرفت سیز آغلامارام بوش اولا الیم
بی جا یره بو اشکیمـی دامانـه ویرمرم
من تابعم ح او سلطان دین دیوب
بیعت الینی زادۀ سفیـانـه ویرمرم
من ( تائبم ) خدا ئوزی توفیق ایدر عطا
عمریمجه تن مطالب بطلانـه ویرمرم
شاعر : مرحوم تائب
***************************
زبانحال حضرت سید الشـهدا امام حسین (علیـه السلام)
در شـهادت شاهزاده حضرت علی اصغر (علیـه السلام)
پایـانـه یتوب عهدیله پیمانیم الهی
اوخلاندی الیمده قوزی قربانیم الهی
بیر الده بالام، یـارب آلوب بیر اله قرآن
گتدیم بو گون اثبات حق ایتماقلیقا عنوان
قرآنی دانوب ایلدیلر ظلمـیده طغیـان
دوتسون بو ستمگرلری قرآنیم الهی
سولموشدی الیم اوسته بو گل غنچۀ مـینو
آهسته ملردی دیـه سن بچّۀ آهو
یـاندی سوسوزوندان بیر ایچیم ویرمدیلر سو
باخدیم اونا یـاندی دل سوزانیم الهی
هر یـانـه فراتین سویی دریـا کیمـی آخدی
یـاندوردی بالامـی بو سوسوزلوق اودی یـاخدی
آغلار گوزیله گه سویـا گاهی منـه باخدی
ایچدی قانینی اصغر عطشانیم الهی
صحرای بلا تاپدی بزک گللریمـیله
عبّاسیمـیله قاسمـیله اکبریمـیله
آرتدی بزکی غنچه دهن اصغریمـیله
جنّاته وورار طعنـه گلستانیم الهی
قانـه بویـانوب تشنـه بو بیر گوهر نایـاب
دین گلشنینی ایتدی قزل قانیله سیراب
بیر گون اولی بو گلشن آچار مـین گل شاداب
اعلان اولونار مقصد پنـهانیم الهی
بیر یرده کـه چوخ گرم اولا بازار محبّت
کالایـه خریدار اولا ذات احدیّت
کالانی الیمده ساتوب آلّام دولی قیمت
محشرده شفاعت اولی عنوانیم الهی
نازلی بالامـین یتدی بهارینده خزانی
سولدوردی اونی باد خزان غنچه زمانی
بیر سرخ گلابه بویـادی کرب و بلانی
باتدی او گلابیله بو دامانیم الهی
آز سنّیله نسگل لری عالمده چوخ اولدی
واردان ال اوزوب، نغمۀ سو دلده یوخ اولدی
سیراب ایدن آخِرده سه شعبه بیر اوخ اولدی
باخدیم اونا یـاندی دل بریـانیم الهی
ائلسیز قالانا یـاور و غمخوار تاپولماز
من ائلسیزه اغیـار آرا بیر یـار تاپولماز
فریـاده یتن یوخ، داخی دلدار تاپولماز
فریـادیمـه یت ای حق منّانیم الهی
دوز عشقیله دوتدوم سنی، عرضیم یـالان اولماز
سنده منی دوت بیی یـاده سالان اولماز
دردیم ندی غصّم ندی دلدن آلان اولماز
ای درده یتن، دردیمـه درمانیم الهی
بی یـاورم اغیـار آرا یـاده سالانوم یوخ
انصاریم الیمدن گیدوب اصلا قالانیم یوخ
نازلی بالامـین نعشین الیمدن آلانیم یوخ
قالموش الیم اوسته قوزی قربانیم الهی
قنداقی قوجاقیمده شرار غمـه یـانّام
بو قانلی چولی صاق صولا حسرتله دولانّام
گه صاق صولا حیرتله گیدوب، گاه دایـانّام
خوناب توکر دیدۀ گریـانیم الهی
اوخلاندی بو آهو باخیشیم ظلمـیله اُلدی
حشره کیمـی آغلار آناسی بو سوزی بولدی
غنچه دوداقی قاچدی باخوب بیر منـه گولدی
آغلاتدی منی غنچۀ خندانیم الهی
بو عرصیـه یول شیعه لر ایکاش سالیدی
بیر قیدیمـه بو قانلی بیـاباندا قالیدی
رافتله الیمدن قوزی قربانی آلیدی
آباد اولیدی دل ویرانیم الهی
یـاخدیم یوزینـه قانینی، خوش صحنـه یـاراتدیم
زلفین بویـادیم، ارزش قربانی چوخاتدیم
اوجومدا همان قانی دوتوب من گویـه آتدیم
ساخلا او قانی چرخیده یزدانیم الهی
یوز دونروب ایمدی هایـانا عزم ایدوم الله
چارمـیلوب، چاره ندور بس نیدوم الله
گلمز بو یوزیمدن کـه خیـامـه گیدوم الله
یوخ دورماقا، یوخ گیتماقا امکانیم الهی
خیمـه قاپوسین ایمدیوب آغلار آناسی
فکر ایلوری سیراب اولونوب نازلی بالاسی
بولمور بوغازیندا وار اونون کاری یـاراسی
بی روح دوشوب فدیۀ بی جانیم الهی
کیم واردی هرایـه گیدوم ایتسونله حمایت
خرگاهه سالوم یول، چکورم چوخلی خجالت
مـیداندا دولانسام منـه ایله لّه شماتت
بی شرمدی چوخ دشمن نادانیم الهی
مندن نـه دونر درد و بلا، من نـه بلادن
اعداده جفا جودیله، دویمازلا جفادن
فریـاد جفاکاری بی شرم و حیـادن
دیوان ایت اوزون داور دیوانیم الهی
سندندی نییم وار منیم ای ورد زبانیم
ویردیم سنون اوغروندا نیـه گلدی گمانیم
یوخدور قالانیم ایمدی، مگر بو باش و جانیم
قربان ایلیم من سنـه جانانیم الهی
من (تائبم) آگاه حسینی شرفیمدن
گر تیر شماتت یـاغا دورت بیر طرفیمدن
حقدور هدفیم، دونمرم اصلا هدفیمدن
قرباندی الهی هدفه جانیم الهی
من (تائبم) الله بولورم چوخدی گناهیم
تکمـیلدی پروندۀ سنگین سیـاهیم
ویرّم قسم اصغر جانینا ده آهیم
عفو ایله اوزون واردی نـه عصیـانیم الهی
شاعر : مرحوم تائب
************************************
زبانحال حضرت سید الشـهدا امام حسین (علیـه السلام)
در شـهادت شاهزاده حضرت علی اصغر (علیـه السلام)
گل کناره ای آنام یـادگاری زینبیم
آل الیمدن اوخلانان شیرخواری زینبیم
ویر غریب آناسینا اوخلانان بالاسینی
اوخشاسین بالاسینا باغلاسون یـاراسینی
گوزلور اوغلونی رباب ایمدی انتظاریله
گوزلرین تیکوب یولا حال انکساریله
بولمور اوخلیوبدیلر تیر زهرداریله
اگلشوب بوغازینا زخم کاری زینبیم
گوردی مرغ روحینون تنگ آشیـانـه سین
صاق صولا دولاندیروب چشم آهوانـه سین
رمزاً ایلدی بیـان العطش ترانـه سین
گتدی رقّته او نور اهل ناری زینبیم
گوردیلر من آغلادیم باخدی اصغر آغلادی
اولدی همنوا بیزه قوم کافر آغلادی
سس سسه ویروب اودم هامّی لشکر آغلادی
چخدی دشمنین گویـه آه و زاری زینبیم
حرمله ایدوب عیـان کینـه ی نـهانینی
کینیله آلوب اله تیریله کمانینی
ردّ ایدوب کمانیدن تیر جان ستانینی
اوخلادی الیمده بو شیرخواری زینبیم
اوخ آتان قولی قوی اوخ سه شعبه زهردار
اوخلانان ولی سوسوز بیر ضعیف شیرخوار
اوچی سنگدل شقی، سودامر اوشاق شکار
گورمـیوب جهان بیله بیر شکاری زینبیم
اوخلانوب ستاره تک آخدی گیتدی اصغریم
گوزلری آخا آخا باخدی گیتدی اصغریم
یـاخدی، یـاندیروب منی یـاخدی، گیتدی اصغریم
ساندیروب او حسرتی بو فکاری زینبیم
چوخ فرحله اوخلانوب ئولدی سوامر بالام
لذّت شـهادتی بولدی سودامر بالام
باخدی نازیله منـه گولدی سودامر بالام
ایتدی عشقینی بیـان احتضاری زینبیم
بیر غریب و بیکسم یوخدی قیدیمـه قالان
بیر آدامسیزام منی یوخدی یـادینـه سالان
نعش شیرخواریمـی یوخدی بیر نفر آلان
گل بالامـی آل آنام یـادگاری زینبیم
باخبر ایله اوزون اصغرین آناسینی
ویر قوجاقینـه اونون سودامر بالاسینی
اوخلانان بوغازینون باغلاسون یـاراسینی
اوخشاسون دویونجا بو زخمداری زینبیم
نوحه خوان هدایته یتدی حق هدایتی
یـازدیروبدی (تائبه) بیله بیر کتابتی
بیرده خوشدی ذکر ایداق دل یـاران مصیبتی
آل الیمدن اوخلانان شیرخواری زینبیم
شاعر : مرحوم تائب
********************
حضرت رقیـه (سلام الله) راه شام
بو بیر خبردی کـه نظمـه دوزولدی عنوانی
وار اوزگه بیر خبر اودلار تمام دنیـانی
بو طرزیله کـه بیـان ایلورم بو غملی سوزی
همـین بو طرزیله خسروشـهی بویورموش اوزی
علاوه ذکر ایلیوب سیّد شـهاب الدّین
همـین بو واقعه ی درد و غمفزا شرحین
علاوه بونادن ایکی عالِمـین دیَن سوزودی
کتابه ابن شَکوئی یـازان سوزون اوزودی
همـین کتاب آدی مصباح دور او شیخ کبار
صحیفه اوچ یوز و دوخسان بشینده بیله یـازار
شکسته حالیله اطفال شـهریـار نجف
گیدردی شام یولوندا دیـار شامـه طرفاو نازنین
حسین یتیمـه لریندن بیری چوخ آغلاردی
اسارته دوزه بولمزدی داغلاردی
او دمده زجر دیدی آز منی کباب ایله
یتیمـه بسدی داخی ناله ایتمـه بیر بیله
اورگی درده گلوب تازده دن او نازلی بالا
یوزون جدایـه دوتوب عرض قیلدی یـا اَبَتا
بو بس دگل کـه سو ویرموبله اُلدورنده سنـه
یول اوسته مانع اولور زجر آغلینده منـه
دیر ووراخ سیزی بیز اُلدوراخ، سیز آغلامـیون
دانیشمـیون دیمـیون بلکه داغلامـیون
بو سوزده زجر شقاوتده حدّدن چخدی
او نازنین بالانی ووردی ناقه دن یخدی
او ساعتیکه اونی زجر ناقه دن سالدی
دوشوب او دشتیده بی هوش او نازنین قالدی
حسین تشنـه لبه تشنـهجگر گوشـه
بیر آز صورا آییلوب ضعفیدن گلوب هوشـه
گوروب قبیله گیدوب وار نـه عمّه لر نـه آنا
دوروب ایـاقه قاچوب بیر قدر اویـان بویـانا
حیـاتیدن داخی اول نازنین الین اوزدی
یول اوسته گل یوزینـه اشک دانـه سین دوزدی
قاچاردی صاق صولا سسلردی عمّه جان گیتمـه
اماندی ساخلا ایـاق، باغریم اولدی قان گیتمـه
اماندی ناله سسیم چرخ اطلسه چخدی
ستمله زجر منی ووردی ناقه دن یخدی
دلینده ناله زبسکه دولاندی خار اوسته
او گلعذار یورولندی داخی اولوب خسته
جواب گلمدی اولدی جوابیدن مایوس
دگیشدی طرز بیـانین او محنته مانوس
دلینده وا اَبَتا دمبدم گلوب داده
دیردی چولده یخلدیم بابا یتیش داده
ندن رسوم وفانی بو چولده ترک ایدوسن
قالوب یتیمـه قیزون ای بابا هارا گیدوسن
ایدنده بو دلیله ناله گوزده گوزیـاشلی
جداده دوردی داخی گیتمدی حسین باشی
گلوب یتوردوله سجّاد امامـه احوالی
اولاندا سیّد سجّاد او حالیدن حالی
بویوردی زینب نالانـه عابد نالان
بابام باشی دایـانوب آیری سرّ ایدور اعلان
یتیمـه قیزلارا سن ویر بو یرده سان عمّه
دوشوب یول اوسته یقین واردی بیر قالان عمّه
گیچوب او حالیده گوزیـاشی زینبین قاندان
گچیتدی قیزلاری یول اوسته بیر بـه بیر ساندان
چاغوردی قیزلاری بیربیر آدیله اول بیکس
جواب ویردی هامـی، لیک ویرمدی بیری سس
بولوب دوشوبدی یول اوستونده بیر یتیمـه قالوب
بو قصّه زینبین الدن قرار و صبرین آلوب
اورک یـانوب، گوزونی گوزیـاشیله دولدوردی
گلوب نوایـه ایکی اَللی باشینـه ووردی
اوزونی ناقه دن آتدی یره او کان ادب
مباشر اولدی اونی تاپماقا خانم زینب
گلن یولا قِییدوب دیده ی پر آبیله
سراغ ایدردی او شیرین دلی شتابیله
گوزونده اشک، دلینده نوا او کان حیـا
گزردی چولده ایدردی بو دللریله ندا
هایـاندا قالموسان ای سینمون قراری بالا
سسیمـه سس ویر حسینون گلِ بهاری بالا
بو دشته شور سالوب هاردا دوشموسن دلسیز
حجاز گلشنینون خوشنوا هزاری بالا
دولانورام چولی، هر یردن عطریوی آلورام
دوتوبدی عطرون عجب دشت و کوهساری بالا
دولانموسان چولی بولّم چوخ عمّه سسلموسن
یورولموسان،یلوب سینن اختیـاری بالا
پیـاده قاچموسان ازبس بو چولده صاق و صولا
ایـاقیوین بولورم واردی چوخ قاباری بالا
قابار ایـاقلاریوین آلتینا باتوبدور خار
یتوب ایـاقلاریوا چوخلی زخم کاری بالا
ایـاقلارون قانی صحرانی قرمزی بوییوب
ویرور بو دشت نشان صحن لاله زاری بالا
سخلموسان دی گوروم هانسی خار سایـه
حسین تشنـه لبین طفل گلعذاری بالا
گل اوزلی غنچه دهن دوشدون آیری گلشندن
هایـاندا اولدی خزان عمریوین بهاری بالا
بولنمورم کـه سن آهو باخشلی کبک خرام
هایـاندا اولدون اجل دامـینون شکاری بالا
اوزون دوشوب بو بیـاباندا قالموسان یـالقوز
یول اوسته ساخلاموسان بیر بیوک قطاری بالا
قالوب آنان نگران وای بالام دیر آغلار
ایدوب سرشگی گل آلوده رهگذاری بالا
یول ایسلادوبدی زبس گل نشین اولوب ناقه
دوشـه قطار یولا یوخدی اقتداری بالا
حیـالی فاطمـه هی سسلنور باجیم قالدی
دوتوبدی کوه و بیـابانی آه و زاری بالا
اودور بو قافله نین ماهی، سنده اولدوزیسان
سنون یولوندا قالوب چشم اشکباری بالا
گوزتلوری یولوی آغلوری آنان لیلا
علیّ اکبرین ای نازلی یـادگاری بالا
بابان باشی دایـانوب نیزه ده داخی گیتمز
باخور گلن یولوا چشمـی انتظاری بالا
حسینیدن خجل اولّام آپارماسام سنی من
گوزتلوری منی اول عشق تاجداری بالا
دیلنیده وای بالا حیران گزردی صحرانی
او چولده بلکه سلامت تاپا او نالانی
یـاناردی دلده او خاتون او حال پراسفه
علاقه سی اونی هردم چکردی بیر طرفه
یتنده بیر یره گوردی او معدن عصمت
کناریده اوتوروب بیر سیـاهپوش عورت
آلوب همـین بالانین باشینی دیزی اوسته
محبّتیله اونی ساخلیوب گوزی اوسته
زبس او قیز یورولوب عالمـی نظردن آتوب
او عورتین دیزی اوستونده دینجلوبدی یـاتوب
چاتوبدی عین مرامـه او سوز و سازیله
جهانـه ناز ایدوری یوخلیوبدی نازیله
بویوردی زینب مظلومـیه او حورسیَر
یتیمـه نی بیله ساخلالّا بو جهاندا مگر
یتیمدار اولان نازیله گجه یـاتماز
یتیم اوشاقلاری گوزدن دقیقه ای آتماز
آلوب کنارین هر درد و غصّه دمسازین
چکه اُلونجه گرک هر یتیمـه نین نازین
علاوه سنسن حسین شـهید قیّومـی
اوسته ساخلا گیلن بو صغیره مظلومـی
سنـه نـه قدر قیزیم ناز قیلسا نازیله
تمام نازینی چک سنده مـین نیـازیله
بو سوز جهانیده مشـهوردور مسلّم دور
یتیمـه گوگلونی آلماق ثواب اعظم دور
نـه قدر زحمتی چوخ اولسا آز حساب ایله
یتیمـه دور بو بالا، گوگلون آل ثواب ایله
بو نازدانـه نی سن جان کیمـی کناریوه آل
اورک یـارالارینا خوش دلیله مرهم سال
یـانوبدی نچّه زماندور آتا فراقینده
بونون خزان اثری واردی گل دوداقینده
یـاخونلاشوب گوروسن عمر گلشنی سولسون
او قدر قالموری عالمده غصّه مرگ اولسون
اماندی مـهر و وفا رسمـینی ایتورمـه قیزیم
یتونجه شامـه بو قیزدان گوزون گوتورمـه قیزیم
خرابه یرده حسینون باشی قوجاقینده
غمـیله جان ویره جاقدور دوداق دوداقینده
بو سوزده زینب مظلومـه اودلانوب دلدن
خطاب قیلدی بیـان ایت منـه گوروم کیمسن
مگر عزایـه باتوبسان نـه غم لباسیدی بو
گیوبسن اگنیوه آیـا کیمون قراسیدی بو
اوزیوی ایلموسن هانسی شمعه پروانـه
بو ساچلارون بویـانوب هاردا قرمزی قانـه
ندن بیله پوزولوبسان دچار محنتسن
ندور دلیلی کـه بیله خمـیده قامتسن
توکورسن اوغلی اُلنلر تک اشک خون گوزدن
بو قان کیمون قانیدور زلفیوه یـاخوبسان سن
بلالی زینبین اود سالدی اودلی
سسون چوخ اوخشیوری فاطمـه آنام س
مـینم آنامدا بیله خوش بیـان و صحبتیدی
اودا سنون کیمـی عیناً خمـیده قامتیدی
خمـیده قدّلوقوندان بتول منظرسن
بیـانیده دانیشاندا آنامـه بنزرسن
جواب ویردی خانم زینبه او حور شیم
بلا خزینـه سی پهلوشکسته فاطمـیم
او گونکه ثانی ایـاقدان منی ستمله سالوب
سینوب قابرقالاریم قامتیم خمـیده قالوب
مدینـه دن چخالی بو خمـیده قامتیله
الیم بِئلیمده دولانّام بنات عصمتیله
بو قاره کـه گوروسن درد و غم لباسیدی بو
عزالی بیر آنیـام اوغلومون قراسیدی بو
شـهید اولوبدی بالام قالموشام یـانا یـانـه
بو ساچلاریم بویـانوب قتلگاهیده قانـه
دیوم صریح همـین قان حسین نشانـه سیدور
اولونجا حشر منـه آغلاماق بهانـه سیدور
سیزیلدارام دیرم نور هر دو عینیم وای
دوزن بلالره مظلوم اُلن حسینیم وای
دیمـه کـه عترتیمـی بیر دقیقه ترک ایدرم
بالالاریم گیده هر سمته آردیجا گیدرم
حسین یتیمـه لریندن گوتورمرم گوزومـی
بیر آن چکمرم اطفالیدن گنار اوزومـی
سینوب قابورقالاریم گرچه ناتوانم من
یتیمـه قیزلاریما لیک پاسبانم من
گیدنده هوشیدن هر بیر یتیم دلخسته
محبّتیله باشین آلموشام دیزیم اوسته
آلوب او خسته ی آلامـی جان تک آغوشـه
گتورموشم اونی مـین رافتیله من هوشـه
دوشنده خوفه بیری آلموشام اورک سوزونی
حسینیمون یرینـه اُپموشم گوزل یوزونی
ایدنده ناله قیزیم سن فغان و شیونیله
اوزومده اولموشام هر یرده همصدا سنیله
سنیله هر یره باهم گلوب دولانّام من
سسیوه سس ویررم غملریوه یـانّام من
غرض او نوگل نوخیزی حضرت زهرا
او باغبان غمـه ویردی دلده شور و نوا
او گلعذاری خانم اوز قوجاقینـه گوتوروب
یوزون اُپه اُپه محنت قطارینـه یتوروب
ایدوبسن ایمدیکه (تائب) قبول محنت شاه
یـازاندا یـاز سوزیوی خاطِراً لِوَجهِ الله
اولار کـه دیده ی تحقیریله باخور سوزیوه
اولوبلا منگر معصوم نـه سنون اوزیوه
تنور خولیـه فریـادیلن گلن زهرا
تاپار یول اوسته بالاسین بدون چون و چرا
او حالیله گوره گر زینب فرشته مآب
او یـازدیقون تک اولار مطلقاً سوال و جواب
شاعر : مرحوم تائب
******************
زبانحال حضرت زینب کبری (سلام الله) درون غارت خیـام
گل داده حسین عترت طاهانی سویولار
زهرا قیزی صدیقه صغرانی سویولار
نـه جور و جفادن اوسانولار نـه دویولار
اهل حرمـی سویماقا تشکیل قورولار
اطفاله گهی قمچی گهی سیلی وورولار
بی نظم قوشون جمع پریشانی سویولار
ایتدوقجا بو اشرار عرب هلهله قارداش
وحشت ویرور اوز عترت خونین دله قارداش
مـین وحشت و هولیله قاچولار چوله قارداش
چوللرده دوتوب عترت زهرانی سویولار
بو چولده گلوب یوم جزا شوری عیـانـه
دامانی دوتوب اود گلوری بعضی فغانـه
ناچار قاچور أت قاباقینده یـانا یـانـه
جبرا دوتوب اول دامنی سوزانی سویولار
صحرای بلانی بوریوب بانگ هیـا هو
بی پرده قاچور چوللره اطفال پری رو
اطرافی دوتوب بیر نچه اهریمن بد خو
بلقیس صفت أل سلیمانی سویولار
خوفیندن اولوبدور بیرینین پاره دوداقی
اولموش بیرینین أبله قاچماقدان ایـاقی
ظلمـیله اولوبدور بیرینین یـاره دوداقی
هر بیر یـارالی دیده سی گریـانی سویولار
بیر یـاندا خانم قیزلاریوی أتلار ایـاقلار
بیر سمتیده أواره قالوب خوردا اشاقلار
هر قیز یتوشوب بیر قیزی هولیله قوجاقلار
اول حالیله گل چهره صبایـانی سویولار
یورقون بالالارشوریله فریـاده گلولر
غربال کیمـی یـاشینی گوزدن الولر
أهوی رمـیده کیمـی اطفال ، ملولر
مـین اوچی بیر أهوی گریزانی سویولار
اسلامـی أتوب دعوی اسلام الینلر
الهی دانوب کلمـه تکبیر دینلر
قر انی ساتوب درهمـه قران اوخینلر
اهل حرم ناطق قرانی سویولار
گل بلبله ننوع ویرر یر بوداقیندا
ایله بالاسین هر أنا دوتموش قوجاقیندا
مـیداندا قاچار صاق صولا أتلار قباقینده
هم طفلی همـی مادر نالانی سویولار
اولسون او گوزیندن ایراق ای خسرو خوبان
مـین غارت ایدن بیر سویولاندور سنـه قربان
غارت نجه غارت انام اوغلی نجه تالان
قوی فاش دیوم زینب کبرانی سویولار
باخمولا بالان خسته و بیماریدی قارداش
تاب و تبه بو چولده گرفتاریدی قارداش
غارت چی جماعت ایله بیعاریدی قارداش
اول ناخوش و بیتاب و توانانی سویولار
بیر یـاندا ألوب شمر الینـه خنجر خونخوار
سجاده سجادی ایدوب غارت او بیعار
بو حالی گوروب خوردا جا قیزلار ایله قورخار
قیز لار ملشور عابد نالانی سویولار
سجاده وی أچموشدی رقیـه یره تازه
گوزلوردی سنی گونده کی عادتله نمازه
نا گاه دوشوب نقشـه سیلی رخ نازه
سسلور بابا جان گل سنـه جانانی سویولار
مقهوریدی بو دشتیده ناکسلرهلر
از بس قاچوب اطفال دوشوب تنگه نفسلر
کلثوم علمداریوی امدادینـه سسلر
امر ایله گله سقانی سویولار
باخمازلا ربابین گلی سولموش بوداقیندا
خندان ایلیوب دست اجل غنچه چاقیندا
صبری تالانوبدوریری بوشدور قوجاقیندا
رحم ایتمـیوب اول طاقتی تالانی سویولار
شاعر : مرحوم تائب
*******************************
حضرت زینب کبری (سلام الله)
باشـه یتوردی عمرینی باشی بلالی زینبون
گل آنام اوغلی جان ویرور یـاسلی عزالی زینبون
عشق مریضدور باجون همدمـی دل نواسیدور
شربتی اشک چشم تر خون جگر دواسیدور
یوخدی یـانندا خویش و ائل ناله سی اقرباسیدور
سن کیمـی جان ویرور غریب ائلدن آرالی زینبون
سن بولوسن حسین اوزون من نـه قدر وفالیم
آیریلقوندا بیر گونی قاره باشی بلالیم
روز و شب آغلارام سنـه، گولمز اوزوم عزالیم
گل بو زماندا قویما تک باشی قرالی زینبون
رسمـیدی جان ویرن زمان باجی باخار صاقا صولا
قارداشا منتظر قالوب گوزلرینی تیکر یولا
خاصّه منیم کیمـی باجی قارداشا مـهربان اولا
گل گوزی یولدا قویما چوخ وقت رحالی زینبون
سندن اوتور من ایتموشم قان بو گوزومده یـاشیمـی
عالمـه ویرموشم نشان شور نـهان و فاشیمـی
شوریله یـازموشام آدون دلده بلالی باشیمـی
کوفه ده هر باخان گوروب باشی حنالی زینبون
سندن اوتور ووروب یتن بیر دلیله یـارا منـه
خارجی آد قویوبدیلار فرقه ی اشقیـا منـه
قمچی ووروب جفائیله طایفه ی جفا منـه
قارداش اولوبدی سن کیمـی جسمـی یـارالی زینبون
مـهر و محبّتون منی سالدی یـارالی داغ داشا
چوللری گزدیم آغلادیم جام غمـیم داشا داشا
دله گوزل آدون سنون عمریمـی ویرموشم باشا
دلده او مـهر گون کیمـی یتدی زوالی زینبون
سندن اوتور بو باشیمـی درد و بلایـه سالموشام
سندن اوتور خرابه ده من قوری یرده قالموشام
سویگلی قیزلارین غمـین بو قوری جانـه آلموشام
راه وفاده طیّ ایدوب حدّ کمالی زینبون
سولدوروب آفت خزان اوردا گل بهاریوی
اوردا مزاره قویموشام بیر دُرِ شاهواریوی
من یـانا یـانـه ترک ایدوب گیتدیم او گلعذاریوی
آز قالوب ایتسون آیریلیق فکری خیـالی زینبون
دوزمدیم، ایستدی زبس گوگلوم او نازدانـه نی
ایستگیم آرتدی، گوزیـاشیم ایلدی تر بو دامنی
شامـه دوباره جلب ایدوب چکدی علاقه سی منی
گتدی مدینـه دن بورا شور و نوالی زینبون
غربت ایوینده گورماقا گلدیم او زار و بیی
قالموشیدی قولاقیده بسکه یـانقلی ناله سی
فرض ایلدیم گلور گینـه سویگلون آغلاماق سسی
آخدی غمـیله عارضه اشک زلالی زینبون
یوخ بالان ائیل قبیله سی بوردا ایده مراقبت
توزلی مزارینی سیلوب هم ایلیـه مواظبت
خورداجا قبرینـه قالوب قیلّام اوزوم مراقبت
دائم آلا کنارینی واردی خیـالی زینبون
بسکه چوخ ایستدوب اوزون عمّه او خوش سخن
علّت اودور کـه دویمارام قارداش حسین رقیّه دن
خوشدی قویـام مزاره باش که تا دم حشر بوردا من
یـاتمـیا تک بو شامـیده ماه جمالی زینبون
جان ویرورم اولوب دلیم پرده بـه پرده قان کیمـی
مـی قانلی کوینگون آلموشام ایمدی جان کیمـی
جامـه ی نیلی گیمـیشم اگنیمـه اوز آنام کیمـی
درسین آلوب بتولیدن اولدی مثالی زینبون
یوخ باشیم اوسته آغلیـان، گل بو گون آغلا سن اوزون
قلبینی یوخدی داغلیـان، سینوی داغلا سن اوزون
گوزلرینی ویرنده جان لطفیله باغلا سن اوزون
اشگیله بلکه دن درد و ملالی زینبون
زینبون ای یـارالی گل جان یتیشوب دوداقینـه
خویش و ائل آختارور باخور گه صولا گاه صاقینـه
باری اوزون جنازه سین حمل ایله قبر ایـاقینـه
تاپشور اوزون مزاره بو باشی بلالی زینبون
بیز ایکی عندلیبیدوق عشقیلی بیر بوداقیده
بسلدی فاطمـه آنام نازیله بیر قوجاقیده
حیف اولا دوشدی مدفنیم سندن اوزاق اوزاقیده
قالمادی اولدی شامـیده کرب و بلالی زینبون
کرب و بلانی ایلدون قارداش حسین مزار سن
شامـیده ایلرم بنا غصّه لی بیر مزار من
عطر وفا آلار منیم قبریمون اوستونـه گلن
نـه باجیدور بولر سنـه مـهر و وفالی زینبون
سندن اگرچه ظلمـیله سالدیلار زینبون اوزاق
وصله چاتانمادی اولوب مدفنی خانـه ی فراق
نازلی رقیّه ساخلادی شامـیده عمّه سین قوناق
حشره کیمـی قوناقیدور یـاسلی عزالی زینبون
ساخلادی شامـیده منی حرمتیله بو سویگلوم
کرب و بلاده قالدیلار لیک ایکی سولان گلوم
اوردا قوناقدور سنـه هر ایکی خسته بلبلوم
ساخلا عزیز ای شـه مُلک جلالی زینبون
وار آنام اوغلی تائبین چون بیزه چوخ ارادتی
ایسته خداسی لطف ایده سویدوقوموز فصاحتی
سوزلری دلنشین گله آرتوق اولا حلاوتی
ثبت اولا دفترینده خوش شرح مقالی زینبون
شاعر : تائب تبریزی
************************
شاهزاده حضرت علی اصغر (علیـه السّلام)
من علیّ اصغرم ممتازلر ممتازیم
شـهریـار کربلانین سودامر سربازیم
باخمـیون سوز عطشدن رنگ رخساریم سولوب
سولموشام بیر غنچه ی گل تک بو باغریم قان اولوب
بو وجودیم عالم معناده شوریله دولوب
دولموشام شوریله حقّین عاشق جانبازیم
گلمـیشم باطل لر ایچره حق نمایـان ایلیم
نـه دیور پیغمبر اوغلی خلقه اعلان ایلیم
آل سفیـانی داخی رسوای دوران ایلیم
رزمگهده باشـهامت شیرخوار غازیم
شیرخوارم وار بویوک جدّیّت و جهدیم منیم
یـاریله باغلانموش اوّل سینمـیان عهدیم منیم
رخش جنگیدور او پیمان اوسته اوز مَهدیم منیم
من الستی عهدیمـین باشدان گیچن سربازیم
شیرخوارم لیک، شیر، شیرزادِ حیدرم
شاخ ایمان غنچه سی ذرّیّه ی پیغمبرم
شانیم اکبردور اگرچه شیرخواره اصغرم
من حسینین دینینون قربانی ممتازیم
سیز منیم بی بابامـین خوش مرامـین بولموسوز
عزّت اسلامـی ایستر، فکر تامـین بولموسوز
قالموسوز غفلتده معنای قیـامـین بولموسوز
ای جماعت من حسینین سودامر همرازیم
سیل کفر ایستور گلوب قرآن آپارسون برملا
بلکه یخسون نخله ی ایمان آپارسون برملا
اوخلانام دین اوسته خوشدور قان آپارسون برملا
من شکست دینیمون باشدان گیچن نوسازیم
مادر آغوشین آتوب خسته جهاده گلمـیشم
اولموشام آللهه وابسته جهاده گمـیشم
اوز بابامـین اللری اوسته جهاده گمـیشم
من او شاهین مرغ دست آموز خوش پروازیم
دوتمادیم هرچند عاشورا گونونده من ایـاق
گتدی ال اوسته ولی مـیدانـه دینی اشتیـاق
شور عشقیمله دولوب دشت همایون عراق
تا مخالفلر بوله بو عرصه نین تک تازیم
من حسین همکاریم فکریمدی همکاریم منیم
عزّت دین اوسته واردور قلب بیداریم منیم
جاودانی دور جهاندا زنده افکاریم منیم
هرقدر دنیـا کهنسال اولسا دامن تازیم
دین یولوندا هر جفاگورسم پریشان اولمارام
قونداقیم قانیله دولسا درده دلدن دولمارام
باغ زهرانین گل شادابیم من سولمارام
شاه عشقین گلشن عشقینده غنچه نازیم
صید چالاکی ایده لّر بیر سپاهیله شکار
مـین سپاهی ایلرم من تک نگاهیله شکار
بلکه قیلّام هر تک تکین بیر تیر آهیله شکار
عرصه ی مـیدانِ تیرین یـاخشی تیراندازیم
آل هاشم کـه شـهادتله دوتوب عالمده خو
خوشدلم قانـه باتام، حلقیم بیچیلمـیش سرخ رو
سرخ رو اُلسم اولار اسلامـیانـه آبرو
مسلمـینین حشره تک سرمایـه ی اعزازیم
بو حسینین مکتبینده نـه صغیر و نـه کبیر
فرقی یوخدور ایستر اولسون شیرخواره یـا کـه پیر
اممـیشم دیندن شوقیله بیر عمر شیر
شیر مستم راه دینین جان بـه کف جانبازیم
سینیـه زینت مدالیله ویرر هر شـهریـار
اوز بابامدور شـهریـار کشور مُلک وقار
سینیـه لازمدی نصب ایتسون مدال افتخار
من مدال افتخار ی سربازیم
نسل آل هاشمـه اسلام و قرآندور هدف
حقّه جانبدار اولوبلار تک بـه تک، نـه بی طرف
منده ده واردور او عالم، منده آختارّام شرف
اوز بابام شاه شرفدور من شرف شـهبازیم
بو بلالی چولده من گوردوم بابام یـار آختارور
ائل قبیله یوخ یـانیندا، یـار و غمخوار آختارور
سسلوری هَل مِن مُعین یـار و مددکار آختارور
من او مظلومـین دین لبّیک و هم آوازیم
شاد اولوب قربان ویرن هر مادران حق پرست
دوزمدیم قربان ویرنلردن آنام تاپسون شکست
منده قربان اولماقا گلدیم بو گون چون شیر مست
قویمارام سینسون آنام قلبی، اونون دمسازیم
ادّعای همّتیم لازمدی اثبات ایلسون
دینیمـه قربان اولوم رفع ملمّات ایلسون
تا آنام دنیـا بویی منله مباهات ایلسون
من آنام آمالینون پایـانیم آغازیم
دلده خوشدور اوخلانام آه شررپاشیم منیم
حلقیمـین قانیله رنگین اولسا گوزقاشیم منیم
نیزه باشیندا گزه الدن اله باشیم منیم
نیزه ده دینین آنام گورسون کـه سرافرازیم
حلقیمـی گورسون بیچیلمـیش، دلدن اولسون شاد آنام
ایلسون که تا قید خجلتدن اوزون آزاد آنام
شیرخواریندن مباهاتیله ایتسون یـاد آنام
دینـه قربانم او نالانین شعف پردازیم
«تائبا» اصغر حسین ابن علی جانانیدور
روح نـهضتدور قانی، دین خدا قربانیدور
مطلعی یـاز بیرده بو سوز انقلاب عنوانیدور
شـهریـار کربلانین سودامر سربازیم
شاعر : مرحوم تائب تبریزی
[متن نوحه ترکی حاج صادق تائب تبریزی دانلود نوحه سنسیز الورم یالان یالان سید]
نویسنده و منبع | تاریخ انتشار: Thu, 08 Nov 2018 01:47:00 +0000